1यहूदा आ तौ पेरेस, हेस्रोन, कारमी, हुर नु शोबाल बाक्मा बाक्त। १इतिहास २:४-५; १इतिहास ७:१९,५०
2शोबाल आ तौ रेआयाह, याहाथ आ आफ बाक्माक्त। याहाथ अहुमै नु लाहाद आस आफ बाक्माक्त। मेको सोराथी आन चच युइ बाक्मा बाक्त। १इतिहास २:५३
3एताम आ तौ येज्रेल, इश्मा नु इदबाश बाक्मा बाक्त। मेको आन समी आ नें हास्सल-एल-पोनी बाक्माक्त।
4पेनुएल गेदोर आ आफ बाक्माक्त। एजेर हुशाह आ आफ बाक्माक्त। मिनु कालेब आ मीश एफ्राथाह आ ङोंइती थिशो तौ हुर बाक्माक्त। मेको आ तौ चच युइ बेथलेहेम ङा मुर बाक्मा बाक्त। १इतिहास २:१९,५०
5तेकोहा आ आफ अश्हुर के मीश निक्शी बाक्सा बाक्त। मेको का आ नें हेलाह नु अर्को आ नें नाराह बाक्माक्त।
6नाराहमी अहुज्जाम, हेफेर, तेमेनी नु हाहाश्तारी थिवा बाक्त। एको नाराह आ तौ बाक्मा बाक्त।
7हेलाह आ तौ सेरेथ, इच्हार नु एथ्नान बाक्मा बाक्त।
8कोस आनुब नु जोबेबा आस आफ बाक्माक्त। मिनु कोस हारुम आ तौ अहारहेल आ चच युइ आन किकी पिपी बाक्माक्त।
9मिनु याबेस माइश्शो मुर का बाक्माक्त। मेको आ लोक्ब आन क्येङा शुश मान ताइब बाक्माक्त। मेको आ ममामी मेको कली श्येत पा थितीके मेको आ नें याबेस वोइश्शो बाक्माक्त।
10मिनु याबेसमी इस्राएली आन परमप्रभु कली “आं कली आसीक गेने। आं कली रू तेम्शा गेयीनी। गे गो नु बाक्कीन। आं कली श्येत रे ङोन वोइय्यीनी” दे पुना बाक्त। मिनु परमप्रभुमी मेको आ पुंइशो गेवा बाक्त।
11शुहाह आ लोक्ब केलुब मेहीर आ आफ बाक्माक्त। मेहीर एश्तोन आ आफ बाक्माक्त।
12एश्तोन बेथ-राफा, पासओह नु तेहीन्नाह आन आफ बाक्माक्त। तेहीन्नाह इर-नाहाश आ आफ बाक्माक्त। मेको रेकाह आ मुर बाक्मा बाक्त।
13केनाज आ तौ ओथ्नीएल नु सेरायाह बाक्सा बाक्त। ओथ्नीएल आ तौ हथाथ नु मेओनोथाइ बाक्सा बाक्त। यहोसु १५:१७; १न्यायाधीस १:१३
14मेओनोथाइ ओफ्रा आ आफ बाक्माक्त। सेरायाह योआब आ आफ बाक्माक्त। योआब गे-हाराशीम आ आफ बाक्माक्त। मेको मुरपुकी मार मार सेल्स जोक्ब बाक्तीके मेको आन नें मेकोन बाक्माक्त।
15यपुन्ने आ तौ कालेब आ तौ इरू, एलाह नु नाआम बाक्मा बाक्त। एलाह आ तौ केनाज बाक्माक्त। गन्ती १३:६; गन्ती १४:६
16येहल्लेल आ तौ जीफ, जीफाह, तिरया नु असारेल बाक्मा बाक्त।
17एज्राह आ तौ येथेर, मेरेद, एफेर नु यालोन बाक्मा बाक्त। मेरेदमी फाराओ आ तमी बिथीयाह ग्युंबे पवा बाक्त। मेकोमी मिरयाम, शम्माइ नु इश्बा थिवा बाक्त। इश्बा एश्तेमोआ आ आफ बाक्माक्त।
18मेरेद आ यहूदी मीशेमी येरेद, हेबेर नु येकुथीएल थिवा बाक्त। येरेद गेदोर आ आफ बाक्माक्त। हेबेर सोको आ आफ बाक्माक्त। येकुथीएल जानोह आ आफ बाक्माक्त।
19होदीयाहम नाहाम आ समी ग्युंबे पवा बाक्त। मेको आ तौपुकी गारम ङा कैलाह आ थर नु माकाथी एश्तेमोआ आ थर ङा किकी पिपी बाक्मा बाक्त।
20शिमोन आ तौ अम्नोन, रिन्नाह, बेन-हानान नु तिलोन बाक्मा बाक्त। इशी आ तौ जोहेथ नु बेन-जोहेथ बाक्सा बाक्त।
21यहूदा आ तौ का शेलाह बाक्माक्त। शेलाह आ तौ एर नु लेकाह सहरम बाक्बपुकी बाक्मा बाक्त। आ तौ लादाह नु मारेशा सहरम बाक्बपुकी बाक्मा बाक्त। बेथ-अश्बेया सहरम बाक्ब रिम्शो सुती श्येले के वा प्रोव़ब नु गेय पाइब आ चच युइ बाक्मा बाक्त। १इतिहास २:३
22आ तौ योकीम नु कोजेबा सहरम बाक्ब मुर नु आ तौ योआश नु सारब बाक्मा बाक्त। योआश नु सारबमी मोआबी मीश आल ग्युंबे पाम्से बाक्त। तन्न लेहेम सहर लेश्शा जाक्शो बाक्सा बाक्त। (एको लोव़ थम माइत बाक्त।) बेथलेहेम बाक्म कों, लाशुबी-लाहेम सहर बाक्म, मेको मतुंइसीब।
23मेकोपुकी खप के ग्योव़ब सेल्ब बाक्मा बाक्त। मिनु नेताइम नु गेदेराह सहरम बाक्शा, पिप आ गेय पाइब बाक्मा बाक्त।
24सिमियोन आ तौपुकी नेमुएल, यामीन, यारीब, जेराह नु शावल बाक्मा बाक्त। उत्पत्ती ४६:१०
25शावल आ तौ शाल्लुम बाक्माक्त। शाल्लुम आ तौ मिब्साम बाक्माक्त। मिब्साम आ तौ मिश्मा बाक्माक्त।
26मिश्मा आ तौ हाम्मुएल बाक्माक्त। हाम्मुएल आ तौ जाक्कुर बाक्माक्त। जाक्कुर आ तौ शिमेइ बाक्माक्त।
27शिमेइ के १६ जना तौ नु ६ जना तमी बाक्मा बाक्त। तन्न मेको आ लोक्ब के शुश आल मबाक्मा बाक्त। मोपतीके मेको आन खिं ङा मुर यहूदा ङा मुर खोदेंशो पा शुश मदुम्मा बाक्त।
28मेकोपुकी बेयर-शेबा, मोलादा, हासार-शुआल, यहोसु १९:२-८
29बिल्हाह, एसेम नु तोलाद,
30बेथुएल, होरमा नु सिकलाग,
31बेथ-मारकाबोथ, हासार-सुसीम, बेथ-बीरी नु शा-आराइम सहरमी बाक्बाक्मा बाक्त। दाऊदम सासन मपवा सम्म सिमियोन आ थर ङा मुर मेको सहरम बाक्शो बाक्मा बाक्त।
32मेकोपुकी अर्को बाक्तीके एताम, ऐन, रिम्मोन, तोकेन नु आशान नेल्ल पा ५ सहर बाक्मा बाक्त।
33मेको सहर आन एर ओंथ ङा गाउंपुकीम बाल सहर सम्म आन बाक्तीके बाक्मा बाक्त। मिनु मेकोपुकीमी आन नें तौ चच युइ आन नें ब्रेक्ना ब्रेक्न बाक्शो बाक्मा बाक्त।
34मेको आन खिं खिं ङा ठेयब मुर सु सु बाक्मा बाक्त देंशा हना, मेशोबाब, याम्लेक, अमस्याह आ तौ योशाह,
35योएल, येहू योशीबीयाह आ तौ बाक्मा बाक्त। योशीबीयाह सेरायाह आ तौ बाक्माक्त। सेरायाह असीएल आ तौ बाक्माक्त।
36एली-ओ-एनाइ, याकोबाह, येशोहायाह, आसायाह, अदीएल, येसीमीएल बेनायाह,
37जीजा शिफी आ तौ बाक्मा बाक्त। शिफी अल्लोन आ तौ बाक्माक्त। अल्लोन येदायाह आ तौ बाक्माक्त। येदायाह शिम्री आ तौ बाक्माक्त। शिम्री शेमायाह आ तौ बाक्माक्त।
38मोदेंशो आन नें ब्रेक्शो मुर आन खिं खिं ङा ठेयब मुर बाक्मा बाक्त। मिनु आन खिं ङा मुर सोशा बोशा शुश दुम्मा बाक्त।
39मेको आन बस्तु भाव योव़तीके माल्ना माल्न दिंम नेल्ल आ पूर्ब गेदोर सहर सम्म लमा बाक्त।
40मेकेर शुश नु रिम्शो बस्तु भाव योव़तीके थित्मे बाक्त। मेकेर मारेइ रेयके मनेंसीब रिम्शो ठेयब दिंम बाक्माक्त। मेको क्येङा ङोंइती हाम आ मुर बाक्शो बाक्मा बाक्त। इतिहास १:८-१६
41यहूदा ङा पिप हिज्कीयाहम सासन पवा ना मेको नें ब्रेक्शो मुरपुकीम गेदोर सहरम बाक्ब हाम नु मेउनीम आस मुर आन ताम्बु नु खिं खतम सेल्मे बाक्त। मुर आन कली सदमे बाक्त। मेकेर रिम्शो बस्तु भाव योव़तीके बाक्शा, मेक उइ आंमान बाक्शो बाक्मा बाक्त। २रजा १८:३
42मिनु मेको सिमियोन आ थर ङा ५ सहे खोइ मुरुमी सेइर पहाड कली लडाइ तोमे बाक्त। मेको आन ठेयब मुर इशी आ तौ पेलात्याह, नेआरयाह, रेफायाह नु उज्जीएल बाक्मा बाक्त।
43मेकोपुकीम प्रोक्शा लीशो अमालेकी नेल्ल आन कली साइश्शो बाक्मा बाक्त। मिनु सिमियोन आ थर ङा मुर मुल सम्म मेक उइ बाक्शो बाक्नीम। १सामुएल १५:३-८
