Zəbur 94:17-23

¹⁷Əgər Rəbb köməyim olmasaydı, Canım sükut diyarına vaxtsız köçərdi.

¹⁸Mən «ayağım büdrəyir» deyən zaman, Ya Rəbb, mənə məhəbbətinlə dayaqsan.

¹⁹Mən daxilən çox narahat olarkən Təsəlli verərək məni fərəhləndirirsən.

²⁰Qanun bəhanəsi ilə şər quran Əzazil hökmdarlardan Sənə yoldaş olarmı?

²¹Əlbir olub salehlərin canına qəsd qururlar, Məhkum edib təqsirsizin qanına bais olurlar.

²²Amma Rəbb mənə qala oldu, Allahım mənə sığınacaq bir qaya oldu!

²³Pislərin şər işlərini başlarına gətirəcək, Pisliklərinə görə onları yox edəcək, Bəli, Allahımız Rəbb onları yox edəcək!