Zəbur 52:2-7

²Ey hiyləgər, dilin insanı məhv edir, İti ülgüc kimi kəsir.

³Yaxşılıqdan çox yamanı, Doğru sözdən çox yalanı sevirsən. Sela

⁴Ey hiyləgər dilli, Məhvedici sözləri çox sevirsən!

⁵Allah səni əbədilik qıracaq, Yaxandan yapışaraq evindən çölə atacaq, Dirilər arasından kökünü qoparacaq. Sela

⁶Salehlər buna baxıb qorxacaqlar, Gülə-gülə belə deyəcəklər:

⁷«Bu adam Allaha pənah gətirmədi, Öz bol sərvətinə güvəndi, Başqalarını məhv edərək gücləndi».