Zəbur 21:6-12

⁶Əbədi olaraq başına nemətlər tökmüsən, Hüzurundakı sevinclə Sən onu fərəhləndirmisən.

⁷Çünki padşah Rəbbə güvənir, Haqq-Taalanın məhəbbəti ilə sarsılmazdır.

⁸Əlin bütün düşmənlərini tapacaq, Sağ əlin yağıları tutacaq.

⁹Ya Rəbb, onlara görünən zaman Sən onları soba tək yandıracaqsan, Onları qəzəbinlə yeyib, alovunla udacaqsan.

¹⁰Övladlarını yer üzündən, Gələcək nəsillərini insanlar arasından yox edəcəksən.

¹¹Çünki pis niyyətlə əleyhinə çıxdılar, Hiylə işlətdilər, amma gücləri çatmadı.

¹²Çünki Sən onları geri qovacaqsan, Yay çəkib oxla üzlərini nişan alacaqsan.