Zəbur 18:41-49

⁴¹Fəryad etsələr də, onları qurtaran olmadı, Rəbbi çağırsalar da, cavab almadılar.

⁴²Onları əzib külək sovuran toz etdim, Küçələrin palçığı kimi tapdaladım.

⁴³Sən məni xalqın çəkişmələrindən qurtardın, Məni millətlərə başçı qoydun, Tanımadığım xalqları mənə tabe etdirdin.

⁴⁴Yadellilər mənə boyun əydilər, Səsimi eşidəndə mənə itaət etdilər.

⁴⁵Yadellilərin cəsarəti qırıldı, Titrəyərək sığınacaqlarından çıxdılar.

⁴⁶Rəbb əbədi yaşayır! Qayama alqış olsun! Məni qurtaran Allahım ucalsın!

⁴⁷O, Allahdır, mənə görə qisas alır, Xalqları mənə tabe etdirir.

⁴⁸O məni düşmənlərimin arasından xilas edir, Bəli, məni yağılar üstündə ucaldır, Məni zalımların əlindən qurtarır.

⁴⁹Buna görə, ya Rəbb, Millətlər arasında Sənə şükür edəcəyəm, İsminə tərənnüm söyləyəcəyəm.