Jó 33

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹A'e rupi, Izo, ezeapyaka katu heze'eg rehe nehe. Ezekaiw katu heremimume'u ràm nànàn nehe no.

²Ahyk hezypyrog àwàm rehe kury. Amume'u putar hema'enukwaw paw nehe.

³Amume'u tuwe putar hema'enukwaw paw nehe. Naherekyty'ym kwaw nehe. Naheremu'em kwaw nehe. Heze'eg uhem putar hepy'a wi nehe.

⁴Tupàn Hekwe heapo a'e. Tupàn purupy haw hemuigo kar.

⁵Ewazar heze'eg ihewe nehe, aze erepuner nehe. Ezemuàgà'ym ihewe neze'eg pà nehe.

⁶Ihe aiko ne ài Tupàn henataromo. Ne ereiko ihe ài Tupàn henataromo no. Tupàn uma'ema'e ywyzuwa neapo pà. Uma'ema'e ywyzuwa heapo pà nezewegatete no.

⁷A'e rupi ekyze zo ihewi nehe. Nuruzuhaw kwaw ihe nehe.

⁸Aenu amo ma'e neremimume'u kwer ihe.

⁹— Nazapo kwaw ikatu 'ym ma'e ihe. Nazawy kwaw ihe, ere nemyrypar wanupe. Naiko kwaw ikatu 'ym ma'e iapo har romo. Nazapo kwaw ikatu 'ym ma'e ihe, ere wanupe.

¹⁰— Tupàn wekar hekatu 'ymaw a'e, ta'e izepyk wer herehe a'e xe. Herereko uwàmàtyry'ymar ài.

¹¹Uzàpixipixi hepy kyhàhàmtàtà pupe. Wexak heremiapo iko tuweharupi no, ere wanupe.

¹²Erezawy, a'e newe kury. Ta'e Tupàn uhua'u wera'u wemiapo kwer wanuwi a'e xe, teko wanuwi a'e xe.

¹³Màràzàwe tuwe eremume'u ikatu 'ym ma'e Tupàn hemiapo kwer. — Tupàn nuzekaiw kwaw zanerehe a'e, aze ximume'u ikatu 'ym ma'e izeapo awer izupe zane, ere wanupe. Màràzàwe tuwe ereze'eg nezewe.

¹⁴Màràmàràn uze'egaw rupi uze'eg Tupàn zanewe a'e. Nezewe rehe we nazazekaiw kwaw ize'eg rehe.

¹⁵Pyhaw, zaneker haw rehe, Zaneker katu mehe, Uze'eg zanewe zanepuahu pe. Wexak kar ma'e puahu zàwenugar zanewe no.

¹⁶Tupàn uze'eg zaneapyakwar rupi. Hemimume'u zanemynehem zanekyze haw pupe.

¹⁷Uze'eg zanewe ikatu 'ym ma'e iapo re zanemupytu'u kar pà. — Peiko wera'u zo amo wanuwi nehe, i'i zanewe.

¹⁸Nezewe mehe zanepyro zanemàno àwàm wi. Nazanereityk kar kwaw purupe zanetym àwàm pupe a'e.

¹⁹Amo 'ar mehe Tupàn uzepyk purehe ma'eahy haw imur kar pà wanehe. Umur kar hahy haw iaiw ma'e purupe no. Nahahyir kwaw.

²⁰Ima'eahy ma'e upytu'u uma'uhez re. Na'ipurexak wer kwaw temi'u hete katu wera'u ma'e rehe.

²¹Iagaiwahy. Upaw oho iko. Iahykaw rehe xo ipir zo heta ikagwer rehe we.

²²Upyta màno haw pe teixe haw huwake. Na'arewahy weraha putar itym àwàm pe wà nehe.

²³Aze ru'u amo Tupàn heko haw pe har ur putar ipyro pà nehe. Heta tetea'u Tupàn heko haw pe har wà. Zanemu'e ikatu ma'e iapo haw rehe wà.

²⁴Tupàn heko haw pe har upuhareko putar nehe. — Emuhem kar nehe. Emono kar zo umàno ma'e kwer wapyta haw pe nehe, i'i putar Tupàn pe nehe. — Nako ipyro àwàm hekuzar xe hepo pe, i'i putar izupe nehe.

²⁵Na'e ima'eahy haw uhem putar izuwi nehe. Hetekwer ikàg wi putar ukwàkwàmo mehe arer zàwe nehe no.

²⁶Tupàn pe ize'eg mehe Tupàn wenu putar nehe. Umuwete katu putar urywete haw rehe nehe no. Tupàn umuawyze katu putar awa ikatu ma'e ài nehe no.

²⁷Uze'eg putar nezewe teko paw wanupe nehe. — Azapo ikatu 'ym ma'e ihe. Hemunar amo ma'e rehe no. Nezewe rehe we Tupàn nuzepyk kwaw herehe.

²⁸Hepyro hemàno haw wi. Aexak tatainy ihe rihi, i'i putar wanupe nehe.

²⁹Tupàn uzapo a'e ma'e paw zanewe a'e. Uzapo wiwi màràn haw no.

³⁰Nazanemumàno kar kwaw. Nezewe mehe zaiko wi wi no.

³¹Izo, ezeapyaka katu ko ze'eg rehe nehe. Eze'eg zo nehe, ta'e aze'eg putar ihe nehe xe.

³²Aze nepurumume'u wer ma'e rehe nehe, ewazar heze'eg ihewe nehe. Ta'e hepuruexak kar wer nekatu haw rehe ihe xe.

³³Aze nanepurumume'u wer kwaw ma'e rehe nehe, eze'eg zo nehe, ezeapyaka katu nehe. Ta'e urumu'e putar ma'e kwaw katu har romo nereko àwàm rehe ihe nehe xe.