Jó 17

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Napuner tària'i kwaw hepytuhemaw rehe. Hereko haw upaw etea'i. Hetym àwàm heràro iko.

²Upuka ma'e umàmàn heywyr wà. Aze uze'eg zemueteahy herehe wà, napuner kwaw wanehe hezepykaw rehe.

³O Tupàn, xo ne zo erepuner hepyro haw rehe azeharomoete. Naheta kwaw amo henewer haw imekuzar àràm wà.

⁴Erewàpytym a'e upuka ma'e wama'enukwaw paw wanuwi ne. Nezewe mehe nukwaw katu kwaw ma'e wà. Hereityk kar zo pe wanupe nehe.

⁵Nezewe i'i teko wà. — Aze amo uzapo ikatu 'ym ma'e umyrypar wanupe temetarer ipyhyk pà wà nehe, Iapo arer ima'uhez putar wà nehe, i'i wà.

⁶Teko uze'eg zemueteahy herehe a'e ze'eg imume'u pà wà. Uzenymon wà heruwa rehe wà no.

⁷Apuraraw ma'erahy tetea'u teko ihe. Te naherehàpyhàgatu kwaw kury. Heretekwer nuzawy kwaw ma'e i'àgaw a'e.

⁸Herexak mehe hero awa ikatu ma'e wanupe ihe. — Tupàn uzepyk putar nerehe nehe, ta'e nerezeruzar kwaw hehe ne xe, i'i ihewe wà.

⁹A'e awa ikatu ma'e a'e wà, imuawate pyr a'e wà, nupytu'u kwaw herehe uze'eg ire nezewe wà. — Azeharomoete ureze'eg, i'i wiwi tuweharupi wà.

¹⁰Aze mo uzewyr xe wà, Naexak kwaw ni pitài ma'e kwaw katu har ihe, wainuinuromo ihe.

¹¹Hereko haw upaw oho iko. Napuner kwaw heremimutar iapo haw rehe. Ma'e hàrogatu pyr hepy'a pe har oho ihewi paw rupi.

¹²— 'Aromo ipytunahy, i'i mua'u hemyrypar ihewe wà. — Tatainy uhem etea'i iko, i'i ihewe ipytunahy haw myteromo wà.

¹³Heràpuz umàno ma'e kwer wapyta haw pe hin putar nehe. Azeàpàrirog putar heker pà ipytunaw rehe nehe.

¹⁴— Hetymaw wiko heru romo, a'e putar nehe. Merua'yr wiko hehy romo wà, hereinyr romo wà.

¹⁵Aze nezewe haw uzeapo nehe, ma'e àrogatu putar nehe. Aipo amo upuner ikatu ma'e ihewe uzeapo ma'e ràm hexakaw rehe wà.

¹⁶Aipo heremiàro wezyw putar ipupyaikaw pyrer umàno ma'e kwer wapyta haw pe har pe nehe. Aipo upytu'u putar hepyr ywy iwy pe nehe.