Jó 26

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Izo uze'eg putar a'e nehe kury.

²Minaz, nahekàg kwaw ihe. Naheta kwaw hekàgaw ihewe kury. Hepytywàgatu pe iko ne. Hemurywete katu kar pe iko no.

³Erekwaw katu pureruze'egatu haw. Eremumaw putar nema'ekwaw paw hemu'e mehe nehe.

⁴Mo nepytywà a'e ze'eg imume'u mehe. Mo nemuze'eg kar nezewe.

⁵Minaz uze'eg putar kury. — Umàno ma'e kwer uryryryryz ukyze haw rehe 'y ywy iwy pe har pupe wiko mehe wà.

⁶Umàno ma'e kwer wapyta haw uzewàpytymawok Tupàn henataromo. Naheta kwaw ipykaw. Upuner wyzài a'e pe uzeapo ma'e hexakaw rehe.

⁷Tupàn upupirar ywak ma'e heta 'ymaw i'aromo. Umupyta kar ywy ma'e heta 'ymaw i'aromo no.

⁸Upyhyk 'y ywàkun pupe. 'Y numu'i kwaw ywàkun ipuhuz haw pupe.

⁹Umim zahy huwa huwahu mehe, Ywàkun ipupirar pà i'aromo.

¹⁰Tupàn umuapyk iapu'a ma'e yryhu mytepe a'e, Tatainy imunyryk kar pà ipytunaw wi a'e.

¹¹Aze uze'egahy ywak izyta wanupe, Izyta ukyze uryryryryz pà wà.

¹²Tupàn wiko yryhu izar romo upuner haw rupi. Uma'ekwaw katu haw pupe wiko àzàg Haaw her ma'e izar romo no.

¹³Izupy haw pupe Tupàn umukatu ywak. Mozuhu uzàn izuwi. Opo pupe uzuka a'e moz.

¹⁴Tupàn upuner ma'e tetea'u iapo haw rehe, wyzài ikàg ma'e iapo haw rehe. Xo màràn zo amume'u kwez xe peme. Mo upuner ipuner haw uhua'u haw ikwaw paw rehe wà.