Jó 22

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Eripaz Temà ywy rehe har uze'eg putar a'e nehe kury.

²Aipo amo teko upuner Tupàn ipytywà haw rehe. Te ma'e kwaw katu har, Aipo upuner ma'e iapo haw rehe izupe.

³Aipo Tupàn upuner wera'u ma'e ipurukwaw wer imunar 'ym ma'e romo nereko haw rehe. Aze nekatu ma'e paw iapo mehe nehe, aipo nekatu putar izupe nehe.

⁴Nerenoz putar nerehe uzepyk pà nehe. Eremuwete katu Tupàn hehe nezeruze'eg pà. — Izo hemuwete katu a'e, a'e rupi ainoz putar hemiapo kwer imume'u pà nehe, hehe hezepyk pà nehe, ni'i kwaw Tupàn uzeupe.

⁵Nerenoz putar a'e nehe, ta'e erezapo ikatu 'ym ma'e tetea'u ne xe. Teko nupuner kwaw nekatu 'ym awer ipapar haw rehe wà.

⁶Kwehe mehe, aze amo neywy rehe har wenoz temetarer newe wà, — Ezar nekamir hepo pe hekuzaromo nehe. Heremetarer imuzewyr mehe amono wi putar newe nehe, ere wanupe. Wiko ikamir 'ym ma'e romo a'e 'ar mehe wà.

⁷Neremono kwaw 'y teko ikene'o ma'e wanupe. Neremono kwaw temi'u teko ima'uhez ma'e wanupe.

⁸Ereiko tuwihaw romo. A'e rupi erepuner ko ywy izar romo nereko haw rehe.

⁹Nemunar tu 'ym ma'e wama'e rehe. Nerepytywà pixik kwaw imen umàno ma'e kwer ne wà.

¹⁰A'e rupi ikatu 'ym ma'e umàmàn neywyr kury. Na'arewahy nekyze haw wiko nezar romo no.

¹¹Uhua'u ipytunahy haw. A'e rupi nerexak kwaw ma'e. 'Y tyhu ma'e uwyrykahy ma'e zàwenugar nereraha iko.

¹²Tupàn wiko ywate ywak rehe a'e. Zahytata upyta ywate a'e wà no. Nezewe rehe we Tupàn ume'e uzewy pe wanexak pà.

¹³Nezewe rehe we erepuranu iko. — Aipo Tupàn ukwaw amo ma'e a'e, ere iko. Ywàkun upyta zane'aromo. Tupàn upyta ywàkun i'aromo a'e. Aze ru'u nupuner kwaw zaneremiapo kwer imume'u haw rehe, ere iko.

¹⁴Izo, — Ywàkun iànàm ma'e nazanerexak kar kwaw Tupàn pe a'e wà, Ywak rupi iata mehe a'e wà, ere iko aipo.

¹⁵Aipo neata wer ikatu 'ym ma'e wanape rupi. Kwehe wata pe ikatu 'ym ma'e rupi wà.

¹⁶Umàno na'arewahy wà. Wiko 'y uwyrykahy ma'e hemiraha kwer zàwenugar romo wà.

¹⁷Uze'eg nezewe Tupàn pe wà. — Etyryk urewi nehe, i'i izupe wà. — Ma'e ikatu ma'e Tupàn upuner wera'u ma'e upuner iapo haw rehe zanewe a'e, I'i uzeupeupe wà.

¹⁸Tupàn a'e, a'e ae umynehem ikatu 'ym ma'e iapo har wanàpuz ikatu ma'e tetea'u pupe a'e. Nezewe rehe we nahema'enukwaw wer kwaw wazàwe ihe.

¹⁹Teko imunar 'ym ma'e hurywete wà. Ikatu ma'e upuka wà.

²⁰Upuka hemetarer katu ma'e wama'e ipaw mehe wà, Ikurer tata pupe ikaz mehe wà.

²¹Izo, ezemuawyze kar Tupàn pe nehe. Epytu'u iàmàtyry'ymar ài nereko re nehe. Nezewe mehe umur putar ikatu ma'e tetea'u newe a'e nehe.

²²Tuwe Tupàn nemu'e nehe. Emonokatu ize'eg nepy'a pupe nehe.

²³Aze erezewyr Tupàn upuner wera'u ma'e pe nehe, aze ereiko ikàg 'ym ma'e romo henataromo nehe, Aze eremumaw ikatu 'ymaw neràpuz me har nehe,

²⁴Aze or ikatu wera'u ma'e na'ikatu kwaw newe nehe, aze nuzawy kwaw ywy imuku'i pyrer newe nehe, Aze nuzawy kwaw ita'i yrykaw izywyr har newe nehe,

²⁵A'e mehe Tupàn upuner wera'u ma'e wiko putar or ikatuahy ma'e ài newe nehe. Nuzawy kwaw parat hekuzar katu wera'u ma'e newe nehe no.

²⁶Wiko putar nerurywete haw romo nehe. Erepuner putar hehe neme'e haw rehe nehe, hehe nezeruzar haw rehe nehe.

²⁷Nerenu putar neze'eg mehe a'e nehe. Eremono putar neremimume'u kwer izupe nehe no.

²⁸Neremiapo paw ikatu putar nehe. Tatainy uhyape katu putar nerape rehe nehe.

²⁹Tupàn umuezywa'u wiko wera'u ma'e wà. Upyro ikàg 'ym ma'e wà.

³⁰Nepyro putar a'e nehe no, aze ereiko ikatu 'ym ma'e iapo 'ymar romo nehe, Aze nekatu ma'e paw iapo mehe nehe.