Duku 21:2-8

²kɛ́yɑ̀ okúpocĩ̀rì mɔù pɑ̃mɛ̀ mɛdítíbii mɛ̀dɛ́mɛ̀ mɛ̀ɛ̀ í tùɔ̀kɛ dɛ̀mɑrɛ̀.

³Kɛ̀ Yesu bɛ́i nkɛ dɔ̀: N di nɑ́ɑ́ mmɔ́mmuɔ nwe okúpocĩ̀rì yie nweè ɑ̃nnɛ́ kɛ̀ dɛ̀ pɛ̃ɛ̃tɛ́ bɛtɔbɛ̀ bɛmɔu.

⁴Kɛ yɛ̃́ bɛtɔbɛ̀ ɑ̃ɑ̃̀mɛ̀ kɛ suɔmmu mɛdiɛ̀, wenwe nɛ̀ o cĩ̀tì miɛkɛ kòò ɑ̃nnɛ́ ò do mɔkɛ ì kɛ bo dinɛ̀.

⁵Kɛ̀ Yesu tɑncɔ́ùmbɛ̀ mɑbɛ̀ nnɑ́ɑ́ Kuyie ncĩ́ɛ̃̀tɛ̀ mɑɑ́ mɛ̀ɛ̀ botí nɛ̀ yɛtɑ̃́rɛ̀ wenniyɛ nɛ̀ bɛ̀ pɑ̃mmú tìì sɑ̃tì tɛ kpɛ́í.

⁶Kɛ̀ Yesu bɛ nɑ̀kɛ́ kɛ dɔ̀: Dɛ kó yɛwe kpɑɑnímu, kɛ̀ di mɛ̀ nwùó ndɛ̀, ditɑ̃́rì mɑrì í yó nkpɑɑ́ nɔ́nkɛ́ ditɛrì ĩ́nkɛ̀ dɛ mɔu dɛ̀ bo duó.

⁷Kɛ̀ bɛ̀ɛ bekɛ Yesu kɛ dɔ̀: Okótì dɛ̀ yóó tuɔkɛní ɔ̃̀mmɔ̀nnì? Ti yóó yɑ̀ bɑ kɛ́bɑntɛ́ kɛ dò ndɛ̀ ɑutɛ́ní?

⁸Kɛ̀ Yesu bɛ̀ tɛ̃̀ńnɛ́ kɛ dɔ̀: Nyɛ̃́nɛ̀ kòò mɔù bɑ́ɑ́ di soutɛ́ kɛ yɛ̃́ bɛnìtìbɛ̀ pɛ́u kɔrinímɛ̀ kɛ yóó nsoú nkɛ tú bɛ̀ tu Kirisi, dɛ̀ tùɔ̀kɛnímu kɛ dèè, di bɑ́ɑ́ bɛ̀ tũ̀nnɛ.