Lucas 21:2-8

²Penga niyan, kinità din heman se sagkep bayi balo migsawol te dowa kedakò kidoen.

³Minikagi si Jesus, “Eneng-enengi niyo se kagi ko seini. Pengkey dakel se imbowang te kedita te doma otaw, meneng labi pa meelagà se imbowang te bayi balo sida.

⁴Dakel se kwarta te doma aw eked dan kelimahi tandà te pegpemegay dan. Meneng se bayi sida sagkep, tinigkan din imbowang se kedakel te kedònan din, pengkey nelimahan sikandin.”

⁵Doen otaw kidoen migpebelaw-belaway tepad te dakel simbahan sìyan, so ininang iyan te bato mèpiya se bawa, aw dakel heman se kwarta imbowang amon pelasan iyan. Minikagi si Jesus,

⁶“Doen aldaw domateng te pegbàtan se dakel simbahan induyun niyo seini. Tigkan iyan kebàtan, aw wedad palos bato ketenanan diyà te lanto te doma bato.”

⁷Doen otaw mig-insà, “Sir, kano lay ketoman se in-indan nikaw? Eden lay se pengilala kitaen day aw agpet iyan metoman?”

⁸Minikagi si Jesus, “Peg-ahà kaw amon eked kaw keekali, so doen kwani medita otaw megpelingo-lingo te insogò ko dan. Mikagi dan te sikandan se Misiyas. Mikagi heman se doma te agpet den domateng se aldaw pinelimanan niyo. Meneng ikà niyo egtaking kandan.