Luka 21:2-8

²Aku Yesu imora sugorai taine mwala toŋge kala io mbumbu kiri-kiri rua indue pinze ilo.

³Ŋineŋga Yesu iporo tu, “Naŋa aporo mao nâ pami; sugorai taine mwala ŋine nde io mbumbu ŋalae tina, ipole mbumbu ŋinde kinzi mbaliŋa warakanzi rârâni muŋga sio lâ pinze ilo.

⁴Ŋana tu kinzi rârâni nenzi mbumbu rârâ keno panzi, aku sio pinde nâ ilâ pinze ilo. Aŋga taine ŋine nde imo sugorai ndo, andeta io ne mbumbu ndoni, kala i ne mbumbu toŋge ikeno papa ŋana iko kapwa kâ, ande tia.”

⁵Kinzi pâri-tamâta matanzi ilâ silea pa Maro Kindeni ne luma sapâŋa, aku siporo mine tu, “Kinzi tamâta muŋga sikai mira arara ku sisaŋgara lâ luma tini itogo siŋgâra mine. Aku sikai nenzi kelekele arara tona silua Maro Kindeni lâ, ŋineŋga sisaŋgarana ŋinde itogo luma ne siŋgâra mine.” Andeta Yesu itu lâ kawanzi tu,

⁶“Naŋa atu aporo ŋgua pami ŋana kelekele kala miki kamora ŋine. Zo toŋge ma muli ipâŋga, aku lâ zo ŋinde, kinzi ma sipile luma ŋine ne mira toŋge ikeno mira toŋge kulu, ande ma tia. Kinzi ma sitambiranzi mira rârâni ŋine ndue keno.”

⁷Ŋineŋga kinzi pâri-tamâta sikasoŋa Yesu tu, “Pananâŋa, mâsi kanaŋo ŋine ma ipâŋga lâ zo ndia. Aku mâsi ndia ma ipâŋga muŋga ŋana itula pwataki tu zo ŋinde laiti ŋana ipâŋga kâ.”

⁸Ŋineŋga Yesu ipainzi tu, “Miki kapakatona sondo ŋga. Tia ma kinzi sikai laŋeŋa pami. Ŋana tu tamâta rârâ ma simâ ku sipatu naŋa ŋâŋgu, aku ma siporo tu, ‘Naŋa warakâŋgu kala Kirisi’. Aku ma sipaimi tu, ‘Ayo, zo ŋga imâ ipâŋga laiti lâ’. Andeta miki ma kalâ kapono muli panzi ndimo.