Ʒare Biri 17

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

¹Eme Wofuŋzi Mose ʒiŋuc âzâcnewec:

²“Go Israe ŋic jazatec gurune gurune irec micne jaŋe apafâc‐jeŋic jaŋere sâc gunu moc moc râekupie 12 ezejec. Ehame gunu sahacnao micne jaŋere ʒâŋe qâreŋkezemec.

³Lewire gunuo ine Aroŋte ʒâŋe qâreŋketec fozejec. Ehame guru sâc micne jaŋere biŋe gunu mocjaha sawa fozejec.

⁴Iŋuc erâ tutumaŋ qoruc bozeo qorac tapa katapa maŋfuŋnao bâbâfuac eekoperecko ira râetec fozejec.

⁵Eme rowosâepemu ŋic ere gunuzi gitec qame Israe ŋic jaŋe honerâ pipic tatara ejareme mu heŋɋâŋ eŋacteeŋgopieŋ i moc behenʒepieŋ.”

⁶Iŋuc mume Mose e ŋic jazame micnefâc‐jeŋic jaŋe apafâc‐jeŋic jaŋere sâc manahuc gunu ru sâc râcnekupie 12 ewec. Gunu 12 jaŋeraonec moc ine Aroŋte biŋe.

⁷Eme Mose e gunu i tiri bozeo Wofuŋte maio râeme fowec.

⁸Eme hae fureme Mosezi tiri bozeo raʒirâ honeme mi Lewire guruonec Aroŋte gunuzi gitec qazejec i! Ehuc âri qarâ hândâŋ fârihec ehuc woze qeuc ewec.

⁹Eme Mosezi gunu sasawa i Wofuŋte tiri bozeonec Israe ŋic ŋokac jaŋerao bawahawec. Bawahame ʒâŋe qâreŋ‐jeŋic sâc honehuc rofârembiŋ.

¹⁰Eme Wofuŋzi Mose ʒiŋuc âzâcnewec: “Go Aroŋte gunu i mocwâc tiri bozeo bârisierâ râezemec. Izi hâcne ŋic râŋgeŋ qaŋqaŋne jaŋere ma ezejec. Ehuc no mu heŋɋâŋ enareeŋgopieŋ jaŋe jazatec behe‐jâmbâŋkenʒepieŋ. Iŋuc mi eniŋmuo ine hâmo‐jâmbâŋkeniŋmu.”

¹¹Eme Mose e Wofuŋzi dâŋ âzâcnewec irec sâc efârewec.

¹²Eme Israe ŋic jaŋe Mose ʒiŋuc muhuc âzâcnembiŋ: “Manakic, nâŋe hâmo sipiric ehuc omae‐fârezo eŋgopeneŋ.

¹³Moc e Wofuŋte tiri boze maickeocmu e hâmoocmu. Nâŋe moczi moc mi bafic‐nâpoha omaenaŋmu me?”