Zəbur 18:39-45

³⁹Döyüş üçün məni qüvvə ilə bürüdün, Əleyhdarlarımı ayağımın altına saldın.

⁴⁰Düşmənlərimin kürəyini mənə sarı çevirdin, Mənə nifrət edən yağıları məhv etdim.

⁴¹Fəryad etsələr də, onları qurtaran olmadı, Rəbbi çağırsalar da, cavab almadılar.

⁴²Onları əzib külək sovuran toz etdim, Küçələrin palçığı kimi tapdaladım.

⁴³Sən məni xalqın çəkişmələrindən qurtardın, Məni millətlərə başçı qoydun, Tanımadığım xalqları mənə tabe etdirdin.

⁴⁴Yadellilər mənə boyun əydilər, Səsimi eşidəndə mənə itaət etdilər.

⁴⁵Yadellilərin cəsarəti qırıldı, Titrəyərək sığınacaqlarından çıxdılar.