6Səni çağırıram, ey Allah, mənə cavab verirsən, Qulağını mənə tərəf çevir, sözlərimi dinlə.
7Məhəbbətinlə Sənə sığınanlara xariqələrini göstər, Sağ əlinlə onları düşmənlərdən qurtar.
8Məni göz bəbəyin kimi qoru, Qanadlarının kölgəsində saxla
9Məni dara salan şər insanlardan, Ətrafımı bürüyən, canıma düşmən olanlardan.
10Onların ürəkləri qapalıdır, harınlayıblar, Ağızlarından lovğa-lovğa sözlər çıxarırlar.