Yosuwee 2:5-19

⁵Ahoo yuwɑ nɑ pɑ́ tǝkǝɣɩ ɩcɑtɛ nɔnɔɣɔ, ɩlɛnɑ pɑ́ lɩɩ. Mɑ tɑ nyɩ ŋku pɑ tǝŋɑɑ tɔ. Ye ɩ́ tǝŋɑ pɑ wɑɑlɩ kɛ lɔŋlɔŋ, ɩ́ kɑ́ hiki-wɛ.

⁶Pǝyele Lɑhɑpɩ kɑ kpɑɑsɑ feŋlɑɑ mpɛɣɛ ɩ kutuluɣu pɑtɑ tɔɔ kɛ́, nɑ ɩ́ ŋmɛsɩ-wɛɣɛ ŋmʋntʋ nti pɑ yɑɑ sɩ lɛŋ tɔ tǝ tɛɛ. yɑɑ sɩ lɛŋ. Pɑ lʋʋkɩ-tǝɣɩ pɔɔŋ kɛ́ Ɩsɩɩ kponkpontu, nɑ pǝ pɔɔŋ nɑ pǝ tokonɑɑ kɛ́ liɣitee wontu kɛ́.

⁷Mpʋɣʋlɛ wulɑʋ tillɑɑ kpɑɣɑ mpɑɑʋ ŋku pɑ tɛsǝɣǝnɑ Yɑɑtɑnɩ pɔɣɔ tɔ, nɑ pɑ́ se feŋlɑɑ wɑɑlɩ. Ɩlɛnɑ tɑŋlɑɑ tɑɣɑnɩ ɩcɑtɛ nɔnɔɣɔ kɛ tǝkʋɣʋ.

⁸Pǝ wɑɑlɩ kɛ́ Lɑhɑpɩ kpɑ feŋlɑɑ cɔlɔ nɑ pǝ́cɔ́ pɑ́ too, nɑ ɩ́ tɔ-wɛ sɩ:

⁹Mɑ nyǝmɑ́ sɩ Tɑcɑɑ tʋwɑ tɛtʋ tǝnɛɣɛ mǝ niŋ tɑɑ. Mǝ sɔɣɔntʋ sʋʋ ɩcɑtɛ tǝnɛ tǝ nyǝ́mɑ kɛ́ nɑ pɑ́ seliɣi.

¹⁰Tǝ nɩɩwɑ ɩsǝnɑ, wɑɑtʋ wei ɩ́ lɩɩ Icipiti tɑɑ tɔ, Ɩsɔ fɑɣɑ Sǝsǝncɑɑsɩ teŋku lʋm tɑɑ, nɑ mɩɩ tɛɛ puɣulɑɣɑ tɔɔ tɔ. Tǝ nɩɩwɑ tɔtɔɣɔ, ɩsǝnɑ ɩ́ kʋwɑ Amolii nyǝ́mɑ ɑwulɑɑ sɔsɑɑ Sihoŋ nɑ Oki, nɑ ɩ́ wɑkǝlɩ pɑ nyǝm tǝnɑɣɑ pɔɣɔ wɑɑlɩ tɔ.

¹¹Tǝ nɩɩ-tɩ, ɩlɛnɑ tɑ ɑpɑlʋtʋ le-tʋ, nɑ tɑ́ tɛɛ sʋʋkǝnɑ-mɛ. Mpi tɔ, mǝ Ɩsɔ Tɑcɑɑ tike ntɛ́ ɩsɔtɑɑ nɑ ɑtɛ pǝ tʋ.

¹²Pǝnɛntɛ mɑ wiikinɑ-mɛ sɩ, ɩ́ tuunɑ Tɑcɑɑ sɩ ɩ́ kɑ́ hʋ́lɩ́ mɑ cɑɑ tǝyɑɣɑ kɛ suulu ɩsɩɩ mɑ hʋlʋɣʋ-mɛ tɔ.

¹³Ɩ́ lɑ mpi pɩɩ tʋ-m nɑɑni sɩ ɩ kɑɑ kʋ mɑ cɑɑ, nɑ mɑ too, nɑ mɑ tɑɑlʋnɑɑ, nɑ mɑ kɔɣɔnɑɑ, nɑ mɑ newɑɑ nɑ pɑ nyǝmɑnɑɑ tǝnɑ tɔ.

¹⁴Mpʋɣʋlɛ ɑpɑlɑɑ mpɛ pɑ cɔ-ɩ sɩ: Ye n tɑ tɑɣɑsɩ tɑ́ tɔm tɑ́ sɔɔlʋ pɩɩwɑɣɑ sɩ tǝ́ sɩ mǝ sǝm, nɑ pǝ́ kɔmɑ nɑ Tɑcɑɑ tʋ tɑ́ niŋ tɑɑ kɛ́ tɛtʋ tǝnɛ tɩɩ lɑ-ŋ kʋpɑntʋ kɛ́, tǝ kɑɑ kpɑlɩ nyɑ́ kʋcɔɔʋ.

¹⁵Mpʋɣʋlɛ Lɑhɑpɩ tisɑ ɑpɑlɑɑ mpɛ nɑ ŋmǝnɑɣɑ nɑ ɩ kutuluɣu pǝtote. Mpi pǝ tɔɔ tɔ, kɩɩ wɛ ɩcɑtɛ koluŋɑ tɔɔ kɛ́.

¹⁶Ɩlɛnɑ ɩ́ heeli-wɛ sɩ: Ɩ́ tǝŋ pʋɣʋ mpɑɑʋ, pǝ́ tɑɑ kɔɔ nɑ mpɑ pɑ sewɑ mǝ wɑɑlɩ tɔ pɑ́ suli-mɛ. Ɩ́ ŋmɛlɩ pʋɣʋ tɑɑ tǝnɑɣɑ kʋyɛɛŋ tooso nɑ mǝ wɑɑlɩ selɑɑ tǝnɑ tɛ mǝlʋɣʋ. Pǝlɛ pǝ wɑɑlɩ, ɩlɛ ɩ́ kɑ́ tʋ́ mǝ mpɑɑʋ.

¹⁷Ntɛnɑ ɑpɑlɑɑ mpɛ pɑ tɔmɩ-ɩ sɩ: Nyǝnɩ, ɩsǝnɑ n kɑ́ lɑ nɑ tǝ́ tɔkǝnɑ tuunɑʋ mpi n yelɑɑ nɑ tǝ́ tuunɑ tɔɣɔlɔ.

¹⁸Wɑɑtʋ wei tɩɩ sʋʋ tɛtʋ tǝnɛ tǝ tɑɑ tɔ, tǝ́ mɑɣɑnɑ n tʋwɑ ŋmǝnɑɣɑ kʋsɛɛmɑɣɑ nɑ nyɑ́ pǝtote nte n tisinɑ-tʋ ɩsǝntɔ tɔ. Nɑ ń kotɑ nyɑ́ cɑɑ, nɑ nyɑ́ too, nɑ nyɑ́ tɑɑlʋnɑɑ nɑ nyɑ́ newɑɑ, nɑ nyɑ́ cɑɑ lʋlʋɣʋ nyǝ́mɑ tǝnɑɣɑ nyɑ́ tǝyɑɣɑ tɑɑ.

¹⁹Amɑ ye pǝ cǝpɑ pɑ tɑɑ wei nɑ ɩ́ lɩɩ nyɑ́ tǝyɑɣɑ tɑɑ, pʋntʋ sǝm kɑ́ wɛɛ ɩ nyʋɣʋ tɔm kɛ́, pǝ tɑɣɑ tɑ́ nyǝntʋ. Tɔfɔ, ye mpɛ ɩnɩ pɑ tɑɑ nɔɣɔlʋ nyʋɣʋ holɑ-ɩ, ɩlɛ pǝ kɛ́ tɑ tɔm.