IOSUA 2:5-19

⁵Vadaeni dina ia diho neganai, hanua ena magu iduara kahirakahira do idia koua neganai, idia be lauegu ruma idia rakatania. Edeseni idia lao gabuna be lau diba lasi. To do umui lao haraga, idia do umui lulua lao, bona do umui abidia diba.”

⁶To guna Rahaba ese iena ruma guhi dekenai unai tatau ruaosi ia hakaua lao, ia haboua vadaeni kurukuru henunai ia hunidia vadaeni.

⁷Unai dainai king ena taudia ese Ioridane dala dekenai unai tatau ruaosi idia tahudia lao, ela bona sinavai ena raka hanaia gabudia dekenai. Tahua gaukara totona hanua idia rakatania murinai, hanua taudia ese magu iduara idia koua.

⁸Unai tatau ruaosi do idia hekure lasi neganai, hahine be idia dekenai guhi dekenai ia daekau lao,

⁹ia gwau, “Lau diba Lohiabada ese inai tano umui dekenai ia henia vadaeni. Umui dekenai ai gari bada, bona inai tano taudia ibounai be umui dainai idia gari dikadika noho.

¹⁰Badina be ai kamonai Lohiabada ese Davara Kakakaka be umui emui vairanai ia hakaukaua, Aigupito tano dekena amo umui raka mai neganai. Ai kamonai vadaeni danu Amoro ena king ruaosi, Sihona bona Oga be umui aladia mase, Ioridane Sinavai unai kahana dekenai.

¹¹Unai sivarai ai kamonai neganai, aiemai kudouna idia gari bada, bona ta ena lalona ia goada lasi umui dainai. Badina Lohiabada emui Dirava be guba dekenai ia noho, bona inai tanobada dekenai ia noho danu.

¹²Unai dainai, mani emu kara Lohiabada ena ladana dainai lau dekenai do umui gwauhamata: Lau ese umui dekenai lau bogahisihisi hegeregerena, umui ese lauegu famili dekenai danu do umui bogahisihisi. Toa korikori ta lau dekenai mani oi henia, vadaeni umui lau abidadama henia diba.

¹³“Umui ese lauegu tamana, lauegu sinana, lauegu taihuna, lauegu tadikakana bona edia famili ibounai do umui hamauria. Mase dekena amo ai do umui hamauria!”

¹⁴Ruaosi ese ia dekenai idia haere, idia gwau, “Aiemai mauri davana be oiemu mauri. Aiemai gaukara ena sivarai bema oi gwauraia lasi neganai, ai ese umui dekenai do ai bogahisihisi momokani, Lohiabada ese inai tano ai dekenai ia henia neganai.”

¹⁵Unai hahine ena ruma be hanua ena magu ena kahana ta, ia be magu ena latanai ia noho. Vadaeni ia ese ruaosi ia abidia, uindo dekena amo varo badana dekenai ia atodia diho.

¹⁶Idia dekenai ia hamaoroa, ia gwau, “Ororo kahana dekenai do umui lao, umui idia tahua taudia ese umui idia davaria garina. Dina toi unuseni do umui hunia, ela bona umui idia tahua taudia do idia giroa mai. Unai murinai emui ura dalana dekenai do umui raka.”

¹⁷Ruaosi ese Rahaba dekenai idia hamaoroa, idia gwau, “Ai be ai ura lasi aiemai gwauhamata do ai hakererea, ai ura karaia momokani.

¹⁸Unai dainai inai bamona do oi karaia: Ai be inai tano lalonai do ai raka vareai neganai, inai varo kakakakana be, ai oi atoa diho dekena amo uindo dekenai, do oi kwatua namonamo. Oiemu tamana bona sinana bona taihuna, bona oiemu tamana ena famili taudia ibounai be oiemu ruma dekenai do oi haboua.

¹⁹Bema idia ta oiemu ruma ena iduara dekena amo hanua ena huana dekenai idia raka neganai, ia be do ia mase, be ia sibona ena kerere, bona ai be kerere lasi. To bema oiemu ruma lalonai ia noho tauna ta dekenai dika ia vara neganai, inai be aiemai kerere.