يٌسُوٍ 2:5-19

⁵عٍ سِفَ نّ نُنمَرٍ رَ، تَا نَادّ بَلَن تّمُي. يِ شّمّيٍ سِفَشِ دّدّ، ﭑ مُ عَ كٌلٌن. شَ وٌ سَ وٌ شُلُن، وٌ نْمَ عٍ سُشُدٍ!»

⁶رَشَبِ نُ بَرَ يِ شّمّيٍ رَتٍ بَنشِ فبَنيِ رَ، عَ عٍ نْشُن سَنسِ شَبَشِ شَرٍيٍ يَ مَ.

⁷عٍ قٍنمَيٍ نَشَ سِفَ يُرُدّن كِرَ شْن، هَن عٍ شُرٍ عِفِرِدٍ لِ. عٍ تٌ مِنِ، تَاكَيٍ نَشَ تَا نَادّ بَلَن.

⁸بٍينُن قٍ رَبّنيِيٍ شَ شِ، رَشَبِ نَشَ تٍ بَنشِ فبَنيِ رَ عٍ يِرٍ.

⁹عَ نَشَ عَ قَلَ عٍ بّ، «ﭑ بَرَ عَ كٌلٌن، عَلَتَلَ بَرَ مُشُ شَ بْشِ سٌ وٌ يِ رَ. وٌ مِرِنيِ بَرَ عَ نِيَ لِمَنِيَ بَرَ بَ مُشُ تَن بِرِن يِ رَ. يِ بْشِ مِشِيٍ بَرَ سّرّن وٌ يَ رَ،

¹⁰بَرِ مَ مُشُ بَرَ عَ مّ عَ عَلَتَلَ بَرَ شُلُنيُمِ بَا شَرَ وٌ يَ رَ، وٌ نُ مِنِمَ مِسِرَ تّمُي نَشّ. مُشُ مَن بَرَ عَ مّ وٌ نَشَن نَبَشِ عَمٌرِكَيٍ شَ مَنفّ قِرِنيِيٍ رَ، سِشْن نُن عٌفٌ، نَشٍيٍ نُ نَ يُرُدّن كِرِ مَ. وٌ نَشَ عٍ رَتْن، عَ نُن عٍ كّ بِرِن نَ.

¹¹مُشُ تٌ نَ قٍ مّ، مُشُ بْحّ نَشَ كَنَ. لِمَنِيَ نَشَ بَ كَنكَن يِ رَ وٌ شَ قٍ رَ، بَرِ مَ وٌ مَرِفِ عَلَتَلَ نَن نَ عَلَ رَ كٌورٍ نُن بْشِ مَ.»

¹²«يَكْسِ، وٌ شَ وٌ كَلِ ﭑ بّ عَلَتَلَ شِلِ رَ، عَ ﭑ كُي عِقَنيِحَ نَشَن نَبَشِ وٌ بّ، وٌ قَن نْمَ نَ كُي عِقَنيِحَ مْولِ رَبَدٍ ﭑ تَن قَن نُن ﭑ مَ دٍنبَيَ بّ. وٌ شَ تْنشُمَ ندٍ سٌ ﭑ يِ رَ، عَلَكٌ ﭑ شَ عَ كٌلٌن

¹³وٌ مُ ﭑ بَبَ، ﭑ نفَ، ﭑ شُنيَيٍ، ﭑ تَارَيٍ، نُن عٍ شَ مِشِ كٍرٍن قَشَمَ.»

¹⁴نَ شّمّيٍ نَشَ رَشَبِ يَابِ، «مُشُ رّدِشِ قَشَقٍ مَ وٌ حْشْي رَ. شَ عِ مُ مُشُ شَ قٍ قَلَ مِشِ يٌ بّ، مُشُ قَن كُي عِقَنيِحَ رَبَمَ نّ عِ بّ دُفُتّفّحَ نُن تِنشِنيِ رَ، عَلَتَلَ نَ يِ بْشِ سٌ مُشُ يِ رَ تّمُي نَشّ.»

¹⁵رَشَبِ نَشَ نَ شّمّيٍ رَفٌرٌ لُوتِ مَ وُندّرِ رَ، بَرِ مَ عَ شَ بَنشِ نُ قَتُشِ تّتّ نَن نَ. عَ نُ سَبَتِشِ نَ تّتّ نَن كُي.

¹⁶رَشَبِ نَشَ عَ قَلَ عٍ بّ، «وٌ سِفَ فٍيَ بِرِ، شَ نَ مُ عَ رَ وٌ قٍنمَيٍ وٌ تٌمَ نّ. وٌ شَ وٌ نْشُن مّننِ هَن شِ سَشَن، بٍيمَنُ وٌ قٍنمَيٍ فبِلٍنمَ تّمُي نَشّ. نَ شَنبِ، وٌ قَ سِفَ وٌ شَ حّرّ رَ.»

¹⁷نَ شّمّيٍ نَشَ عَ قَلَ رَشَبِ بّ، «مُشُ مُ مُشُ شَ مَرَكَلِ كَنَمَ،

¹⁸كْنْ قٌ عِ شَ يِ لُوتِ فبٍيلِ شِرِ وُندّرِ رَ، عِ مُشُ رَ مِنِ دّننَشّ رَ. مُشُ نَ قَ تّمُي نَشّ يِ بْشِ مَ، عَ لَنمَ مُشُ شَ نَ لُوتِ لِ نَا. عِ مَن شَ عِ بَبَ، عِ نفَ، عِ تَارَيٍ، عِ شُنيَيٍ، نُن عِ شَ مِشِيٍ بِرِن مَلَن بٍ عِ شَ بَنشِ كُي.

¹⁹شَ مِشِ يٌ مِنِ عِ شَ بَنشِ كُي، شَ نَ كَنيِ قَشَ، عَ عَ تَرِشِ نّ، مُشُ تَن قْشِ مُ نَ كِ. كْنْ شَ مُشُ شَ مِشِ ندٍ عَ بّلّشّ دِن عِ شَ مِشِ ندٍ رَ عِ شَ بَنشِ كُي، مُشُ مُشُ تَرِشِ نّ نَ تّمُي.