Sie Chronicle 1

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

¹Adam pa papa tumal Seth, ac Seth pa papa tumal Enosh, ac Enosh pa papa tumal Kenan.

²Kenan pa papa tumal Mahalalel, ac Mahalalel pa papa tumal Jared.

³Jared pa papa tumal Enoch, su papa tumal Methuselah. Methuselah pa papa tumal Lamech,

⁴su papa tumal Noah. Oasr wen tolu natul Noah: Shem, Ham, ac Japheth.

⁵Wen natul Japheth pa Gomer, Magog, Madai, Javan, Tubal, Meshech, ac Tiras. Tulik natulos kais sie ac fwil nukewa tokolos elos ekin papa matu tumalos ingan.

⁶Fwil natul Gomer pa mwet in acn Ashkenaz, Riphath, ac Togarmah.

⁷Fwil natul Javan pa mwet in acn Elishah, Spain, Cyprus, ac Rhodes.

⁸Wen natul Ham pa Cush, Egypt, Libya, ac Canaan. Tulik natulos kais sie, ac fwil nukewa tokolos elos ekin papa matu tumalos ingan.

⁹Fwil natul Cush pa mwet in acn Seba, Havilah, Sabtah, Raamah, ac Sabteca. Fwil natul Raamah pa mwet in acn Sheba ac Dedan.

¹⁰(Oasr wen se natul Cush su pangpang Nimrod, ac el pa mwet se emeet su watwen ke mweun fin fahlu.)

¹¹Fwil natul Egypt pa mwet in acn Lydia, Anam, Lehab, Naphtuh,

¹²Pathrus, Casluh, ac Crete. (Mwet in acn Crete pa papa tumun mwet Philistia.)

¹³Wen se meet natul Canaan pa Sidon, ac wen se akluo pa Heth. Tulik natultal kais sie, ac fwil nukewa tokoltal, elos ekin papa matu tumaltal ingan.

¹⁴Fwil natul Canaan pa mwet Jebus, mwet Amor, mwet Girgash,

¹⁵mwet Hiv, mwet Ark, mwet Sin,

¹⁶mwet Arvad, mwet Zemar, ac mwet Hamath.

¹⁷Wen natul Shem pa Elam, Asshur, Arpachshad, Lud, Aram, Uz, Hul, Gether, ac Meshek. Tulik natulos kais sie, ac fwil nukewa tokolos, elos ekin papa matu tumalos ingan.

¹⁸Arpachshad pa papa tumal Shelah, su papa tumal Eber.

¹⁹Oasr wen luo natul Eber: inen sie pa Peleg, ke sripen in pacl lal ah mwet fin faclu tuh fahsrelik. Inen tulik se wial ah pa Joktan.

²⁰Fwil natul Joktan pa mwet in acn Almodad, Sheleph, Hazarmaveth, Jerah,

²¹Hadoram, Uzal, Diklah,

²²Ebal, Abimael, Sheba,

²³Ophir, Havilah, ac Jobab.

²⁴Pa inge fwil natul Shem fahla nwe kacl Abram: Shem, Arpachshad, Shelah,

²⁵Eber, Peleg, Reu

²⁶Serug, Nahor, Terah,

²⁷ac Abram (su oayapa pangpang Abraham).

²⁸Oasr wen luo natul Abraham: elos pa Isaac ac Ishmael.

²⁹Wen natul Ishmael elos sifen sruf singoul luo inge: Nebaioth (el pa wounse se), Kedar, Adbeel, Mibsam,

³⁰Mishma, Dumah, Massa, Hadad, Tema,

³¹Jetur, Naphish, ac Kedemah.

³²Oasr mutan kulansap se kial Abraham su inel pa Keturah, ac el oswela wen onkosr natul Abraham: elos pa Zimran, Jokshan, Medan, Midian, Ishbak, ac Shuah. Oasr wen luo natul Jokshan: elos pa Sheba ac Dedan.

³³Oasr wen limekosr natul Midian: elos pa Ephah, Epher, Hanoch, Abida, ac Eldaah.

³⁴Abraham pa papa tumal Isaac. Oasr wen luo natul Isaac: elos pa Esau ac Jacob.

³⁵Wen natul Esau pa Eliphaz, Reuel, Jeush, Jalam, ac Korah.

³⁶Eliphaz pa papa tumun sruf inge: Teman, Omar, Zephi, Gatam, Kenaz, Timna, ac Amalek.

³⁷Reuel pa papa tumun sruf inge: Nahath, Zerah, Shammah, ac Mizzah.

³⁸Wen natul Seir pa Lotan, Shobal, Zibeon, Anah, Dishon, Ezer, ac Dishan.

³⁹Wen natul Lotan pa Hori ac Homam. Tamtael lal Lotan pa Timna.

⁴⁰Wen natul Shobal pa Alvan, Manahath, Ebal, Shephi, ac Onam. Wen natul Zibeon pa Aiah ac Anah.

⁴¹Wen natul Anah pa Dishon, ac wen natul Dishon pa Hamran, Eshban, Ithran, ac Cheran.

⁴²Wen natul Ezer pa Bilhan, Zaavan, ac Jaakan. Ac wen natul Dishan pa Uz ac Aran.

⁴³Pa inge inen tokosra su leum fin acn Edom meet liki oasr tokosra lun mwet Israel: Bela, wen natul Beor, su siti sel uh pa Dinhabah.

⁴⁴Ke Bela el misa, Jobab wen natul Zerah in acn Bozrah el aolul.

⁴⁵Ke Jobab el misa, Husham, sie mwet in acn Teman, el aolul.

⁴⁶Ke Husham el misa, Hadad wen natul Bedad, su kutangla mwet Midian in facl Moab, el aolul. Inen siti sel pa Avith.

⁴⁷Ke Hadad el misa, Samlah, sie mwet in acn Masrekah, el aolul.

⁴⁸Ke Samlah el misa, Shaul, sie mwet in acn Rehoboth sisken Infacl Euphrates, el aolul.

⁴⁹Ke Shaul el misa, Baal Hanan wen natul Achbor el aolul.

⁵⁰Ke Baal Hanan el misa, Hadad el aolul. Inen siti sel pa Pau, ac inen mutan kial pa Mehetabel acn natul Matred, ac Matred acn natul Mezahab.

⁵¹Na Hadad el misa. Inen sruf in acn Edom pa Timna, Alvah, Jetheth,

⁵²Oholibamah, Elah, Pinon,

⁵³Kenaz, Teman, Mibzar,

⁵⁴Magdiel, ac Iram.