SALMOS 109:8-16

⁸Nimitztlajtlanía para inemilis nocualancaitaca ma amo huejcahua ipan ni tlaltipactli. Huan seyoc tlacatl ma quichihua nopa tequitl catli yaya quichihuayaya.

⁹Iconehua ma mocahuaca icnotzitzi huan isihua ma mocahua cahuali.

¹⁰Iconehua ma monejnencaquixtica huan ma motlaejehuijtinemica. Ma quitemoca tlacualistli huejca tlen ininchaj catli ya tlamisosolijtoc.

¹¹Ma quitlamitlacuijcuilica catli quitlatlanejtiyayaj, huan catli seyoc tlali ehuani ma quiquixtilica nochi catli quitlantoc ica itequi.

¹²Amo aqui ma quipalehui ica niyon se tlamantli huan amo aqui ma quintlasojtla iconehua catli icnotzitzi.

¹³Ma miquica nochi iconehua. Ma tlamiixpolihuica huan ayacmo aqui ma quinelnamiqui inintoca.

¹⁴TOTECO, amo xiquelcahua nochi inintlajtlacolhua itatahua huan inanahua. Huan amo xiquintlapojpolhui.

¹⁵Ma mocahua inintlajtlacolhua moixpa, TOTECO, pero ayacmo aqui ma quinelnamiqui nopa masehualme ipan ni tlaltipactli.

¹⁶Pampa inijuanti amo quinejque quipalehuise ininhuampox. Nojquiya quintojtocaque catli teicneltzitzi huan quinmictijque catli motequipachohuayayaj.