Psalm 109:8-16

⁸Lela tuh in fototo moul lal; Ac lela siena mwet in eis acn sel!

⁹Lela tuh tulik natul in mukaimtal, Ac mutan kial in katinmas!

¹⁰Lela tulik natul in mwet takusrkusr ac mwet ngusr; Lela tuh elos in lillilyak liki mahnum in lohm elos muta loac.

¹¹Lela tuh mwet el orek soemoul yoro in eisla ma lal nukewa, Ac lela tuh mwetsac in eis woiyen orekma lal.

¹²Lela in wangin mwet sifilpa kulang nu sel Ac in wangin pac mwet lohang nu sin tulik mukaimtal natul uh.

¹³Lela tuh fwil natul nukewa in misa, Ac in mulkinyukla inel ke fwil se tokol.

¹⁴Lela tuh LEUM GOD Elan esam na ma koluk lun papa tumal Ac tia nunak munas nu ke ma koluk lun nina kial.

¹⁵Lela tuh LEUM GOD Elan esam ma koluk lalos pacl e nukewa, A elos sifacna in iyuklana ac tiana sifil esamyuk!

¹⁶Mweyen mwet se ingan el tiana nunkauk elan moul in kulang; El akkeokye ac uniya mwet sukasrup, Mwet enenu, ac mwet munas.