SALMOS 109:8-16

⁸Nimitztlajtlanía para iyolis nocualancaitaca ma ax huejcahua ipan ni tlaltepactli. Huan seyoc tlacatl ma quichihua nopa tequitl tlen yajaya quichihuayaya.

⁹Iconehua ma mocahuaca icnotzitzi huan isihua ma mocahua cahuali.

¹⁰Iconehua ma monejnencaquixtica huan ma motlaejehuijtinemica. Ma quitemoca tlacualistli huejca tlen ininchaj tlen ya tlamisosolijtoc.

¹¹Ma quitlamitlacuijcuilica tlen quitlatlanejtiyayaj, huan tlen sejcoyoc ehuani ma quiquixtilica nochi tlen quitlantoc ica itequi.

¹²Axaca ma quipalehui ica niyon se tlamantli huan axaca ma quintlasojtla iconehua tlen icnotzitzi.

¹³Ma miquica nochi iconehua. Ma tlamiixpolihuica huan ayoc aca ma quinilnamiqui inintoca.

¹⁴TOTECO, amo xiquilcahua nochi inintlajtlacolhua itatahua huan inanahua. Huan amo xiquintlapojpolhui.

¹⁵Ma mocahua inintlajtlacolhua moixtla, TOTECO, pero ayoc aca ma quinilnamiqui nopa tlacame ipan ni tlaltepactli.

¹⁶Pampa inijuanti ax quinejque quipalehuise ininhuampo. Nojquiya quintojtocaque tlen teicneltzitzi huan quinmictijque tlen mocuesohuayayaj.