Pesalem 109:8-16

⁸Ênê bêc êŋgôŋ mata jaliŋa êtu dambê ma nê sakiŋ elom ŋac teŋmaŋ.

⁹Ênê ŋapalê têtu mosêbu ma nê awê êtu awêtuc.

¹⁰Ênê ŋapalê sêmoa nêŋ alê katuc ŋagala atom, sensom mo ma teteŋ sêôŋ-sêôŋgeŋ.

¹¹Ŋac sec tau, taŋ launêŋ tôp gêc eŋ naŋ, nê waba samob êpêla tau su ma lau jaba sêjaŋgo ênê koleŋ ŋanô su.

¹²Eŋ êtap nê ŋac taê walô eŋŋa teŋ sa atomanô ma lau teŋ sênam jaom ênê mosêbu atom.

¹³Ênê wakuc samob sêmac êndu ma sênam kauc dêbuŋinêŋ ŋaê samucgeŋmaŋ.

¹⁴Apômtau taê ênam ênê mimi nêŋ keso ma êsuc tênanê sec ôkwi atomanô.

¹⁵Apômtau taê ênam nêŋ sec endeŋ tôŋgeŋ ma enseŋ lau sec tonaŋ nêŋ ŋaê su samucgeŋ e sêliŋ siŋ aŋga nom.

¹⁶Gebe ŋac tau taê gêjam têtac gêwiŋ lauŋa atom. Eŋ kêjanda lau sêŋgôŋ jageoŋa to lau ŋalêlômsawa ma lau sêpô lêna tauŋŋa e sêmac êndu.