Gesami Hea:su 109:8-16

⁸E da hedolo bogomu da defea. Amola ea bidi lamusa: hawa: hamosu, enoga gesoamu da defea.

⁹Ea mano da guluba: mano agoane ba:mu da defea. Amola ea uda da didalomu da defea.

¹⁰Ea mano da diasu hamedene, udigili edegesa doulalalumu da defea. Dunu oda ilia da ea mano ilia diasu mebua esalebe, amodili sefasimu da defea.

¹¹Dunu ilima e da muni imunu gala, ilia ea gagui liligi huluanedafa samogemu da defea. Liligi huluane e bidi lamusa: hawa: hamoi, amo huluane ga fi dunu ilia lamu da defea.

¹²Amola dunu afadafa da ema hamedafa dogolegemu da defea. Amola ea guluba: mano yolesi da enoga hamedafa ouligimu da defea.

¹³Egaga fifi mabe huluane bogogia:mu da defea. Amola eno buga:le fifi mabe, ilia da ea dio gogolemu da defea.

¹⁴Hina Gode da eso huluane ea aowalalia wadela:i hou dawa:lalumu da defea. Amola eme ea wadela:i hou hamedafa gogolema:ne olofomu da defea.

¹⁵Hina Gode da eso huluane ilia wadela:i hou hamedafa gogolemu da defea. Be fa:no fifi mabe, ilia da ili hamedafa dawa:mu da defea.

¹⁶Amo dunu da eno dunuma asigimusa: hamedafa dawa:i, amola e da hamedafa gagui dunu amola hahani dunu huluane se iawene fane legesu.