GWAY GI IDAWUU’D 109:8-16

⁸Dhalka teem piti karu ki kuṯ kuṯ mo. Dhalki wathiŋ kamu/ bu’th mal piti mo.

⁹Dhalki uc̱im piti ’kon ki dar gi com mo, dhali dhalki ashim piti ta’da dhalla/ mo.

¹⁰Dhalki uc̱im piti ii iinyc̱a/ dhali ’tho to mo. Dhalki uni uru ka pije/ ’peni mo jin kup̱a uni kun ’kona uni mo.

¹¹Dhalki wathi/ jin dina a’di ka mure/ i’ba/ bu’th tom piti ’baar mo. Dhalki ’kwanin tiya si’da/ shi/ maman cwam piti is mo jin ’koshkina a’diya ṯu’c ki mii mo.

¹²Dhali dhalki wathi/ p̱iyi’d jin midi mii kar bwa jin kushakush gom a’di mo, walla hil uc̱im piti jin dar gi com ki mii ma ’thime/ gi mo/en mo.

¹³Dhalki emen piti kun mini yayu/ i’ko’d ’ciṯẖkunu ’twa/ mo. Dhalki gway piti si’da/ minu ’kosh ’peni ’kwani ma nyaḵum yil kun min ma p̱o/i ’ko/i su/ mo.

¹⁴Dhalki mii kun ’coḵa’coḵ gi icom kanu e ibwambori Tap̱a mo, dhali dhalki miinthus gi kum minu ’koki ’kosh ka pije/ mo.

¹⁵Dhalki uni ’koni bwambori Tap̱a ki ṯikir ṯikir mo dhali dhalki a’di jin dhunu ibwa minu ’ciṯẖ ’twa/ ’peni mony’cesh mo.

¹⁶Haali/ a’di diki ka mii e mo mmoṯor mii gi bwaŋ kush mo hili a’di ki ur ’kwani kun hatha’ko’di sho’k mo dhali uni gun mini mii ta gi to mo dhali uni gun ’ce’dkin ma dum buni gom jwam buni mo.