SALAMO 109:8-16

⁸Ena mauri dinadia bae gadoi; ta ese ena kohu baine dadihai.

⁹Natuna bae ihareha, adavana na baine vabu;

¹⁰natuna bae loa eva-eva, bae noi hegame, e kohu rumana e noholaiamu amo bae luludia lasi.

¹¹Enai e abi torehai tauna ese ena ḡau iboudiai baine dadihai; idau taudia ese ena hekwarahi anina bae henao ore.

¹²Asi tauna ta ese baine kara namo henia, asi tauna ta ese natuna baine bogadia hisi.

¹³Garana na bae mase ore; ladana na baine heroho, uru iharuana ai.

¹⁴Senena edia kara havara na Iehova vairanai bae helalolai une, sinana ena kara dika na basine heroho.

¹⁵Unu kara na Iehova ese baine lalodia hanaihanai, a ia ilalolaina na tanobada amo baine boio.

¹⁶Badina be hebogahisi ihahedinaraina se laloa tao, a ogoḡami taudia bona e dabu taudia na ia ese e havadia, hisi ese e gugubadia taudia na ia ese e havadia, ela bona edia mase negadia.