Kap 109:8-16

⁸Nak uŋun amɨn tepmɨsi kɨmagakwan amɨn ŋwakŋwarɨ da uŋun dakon pi tamo abɨdosak dosi nandɨsat.

⁹Tepmɨ kɨmagakwan monjɨ gwayoni datni mɨni egɨpni, ae mɨŋatni sakwabat egɨpjak dosi nandɨsat.

¹⁰Ae monjɨ gwayoni yutni mɨni ae amɨn da jap yomni do bɨsit yoyɨŋek egɨpni dosi nandɨsat. Ae yut tasɨk taŋbikon egɨpdaŋ uŋudon baŋ amɨn da yolakwa abɨgɨkdaŋ.

¹¹Uwalno goman amɨni da abɨŋ mɨktɨm ae yo morapni kɨsi tɨmɨtjak dosi nandɨsat. Aŋakwa kokup ŋwakŋwarɨkon amɨn da abɨŋ yo morapni yum do aŋek pi agɨt uŋun tagɨ tɨmɨtni.

¹²Amɨn kɨnda da aŋpak yaworɨ dɨma aŋ ɨmjak dosi nandɨsat. Ae amɨn kɨnda da monjɨ datni mɨni egɨpni uŋun do bupmɨ dɨma nandaŋ yomjak.

¹³Mɨŋat monjɨyoni tagɨ kɨmotni, aŋakwa amɨn don altoni da uŋun amɨn dakon man dɨma nandani dosi nandɨsat.

¹⁴Nak babɨkni da aŋpak yokwi awit do Yawe da uŋun do nandɨsak dosi nandɨsat. Aŋek meŋi dakon dɨwarɨni dɨma wɨrɨrɨk ɨmjak do nandɨsat.

¹⁵Yawe da dɨwarɨni do toktogɨsi nandaŋ yomjak, aŋakwan mɨŋat amɨnyo da uŋun dakon dɨwatni do wagɨlsi ɨŋtaŋ yomni dosi nandɨsat.

¹⁶Uŋun amɨn, amɨn dɨwarɨ do aŋpak yaworɨ aŋ yom do dɨma nandagɨt. Uŋun yoni mɨni amɨn gat, ae yo do wadak wadak awit amɨn gat, ae butjɨk madepsi nandawit amɨn gat paŋsopmaŋek dapban kɨmakgwit.