SALMOS 109:8-16

⁸Ben ga gakgak nbabze ža sóagake' nbángake', na' benn che benne' yoble da' wdápegake'.

⁹Bka'n ẕí'ngake' ka' bi' wzebe ka', na' ga'ngak ẕó'legake' no'le wzebe.

¹⁰Ben ga gakgak ẕí'ngake' ka' benne' ẕdágakze' nich nnábgekle' no benne' bi da' gonne' chégake', na' ben ga žéḻgake' yet da' gáwgake' zíto'le gan zoa lížgake' da' nbia yin'.

¹¹Ben ga cho'o da' nápegake' ḻo na' bennen' bsane' ḻégake' mežw. Ben ga yeka'gak benne' zi'to' ka' da' ka' béngake'.

¹²Ben ga bi soa no benne' yeyache' ḻáže'le' ḻégake', na' bi soa no benne' yeyache' ḻáže'le' bi' wzebe chégake' ka'.

¹³Ben ga kwia yi'gak ẕa'sógake' ka', na' biž soa no ẕa'sógake', bin' labe' kan légake'.

¹⁴Bejsá' ḻaže' che da' ẕinnj da' bengak x̱a x̱tó'gake', X̱ana' Dios, na' bi wsoḻo' doḻa' da' wbága'gak x̱ná'gake'.

¹⁵Bejsá' ḻáže'teze da' ẕinnj da' béngake', san biž chejsá' ḻažo'o benne' ka',

¹⁶dan' bi bejsá' ḻáže'gake' yeyache' ḻáže'gekle' ljéžgake' ka'. Bsáka'gake' benne' yache' ka', na' benne' gax̱jw ka', na' benne' ka' wẕáka'gake', na' bétgake' ḻégake'.