Sam 109:8-16

⁸Bzkq amrlzq nide, a' nabz ani, X natekqtr ncblo kzble mz nzngini-krde kxrmailz.

⁹Nabzsz-kzle doa nedeng x olvz rde, Murde trpengr kx na-aclve-angidrle nidr.

¹⁰Naodatitxde ma nyz doa nedeng, Murde navztxneng mz nzrlx-krdr dakxnzng.

¹¹Mz nzrka-niwzlr-krdr trau kx rlxti trtedr, nayrkrtxpxngr dztudrng amrlx. X lr mrkzbleng napnatibzlr da kx atatrple mz nzwz-krde.

¹²Bzkq kx nivz lrde mrlzbz bade, X bzkq kx ycngr drtwrde doa nedeng.

¹³Nabzng badr lr ma nyzdeng amrlx, Murde bzkq kx nardctipx mou drtwr nqvi lrde.

¹⁴Nadcpx mz drtwrm nqmq kr melrmqdeng kc tqtrka, X bzkq ipqpxq alwx ngr lxede.

¹⁵Mrkc Heven nadcpx zvz mz drtwrm alwx ngrdrng, A' mz nrlc enqmi lcng namrbrtr alo mz drtwr.

¹⁶Rlxtibo bam da lcng murde mrlx lc trpnzngr kx mrlzti nivz lrde, A' armzkiti x rnibqti leplz txneng kxtrnzrngiscung x kx drtwrdr talvzo zlwz.