Salmo 109:8-16

⁸Aptik koma din biyag na ya maiskat di odom sin saad na

⁹ta maolila din aan-ak na ya malasang din asawa na.

¹⁰Lomikeliked da koma ay manpalimos din aan-ak na, maipakaan da sin nadadael ay beey da.

¹¹Sapay koma ta din nangiotang en sisya yan alaena amin ay sanikwa na ya alaen di mangili amin ay in-oblaana.

¹²Sapay koma ta maga polos di maseg-ang en sisya ya sin naolila ay aan-ak na.

¹³Matey koma amin din anak na ta maponas din ngadana manipod sin timpo da.

¹⁴Nemnemen koman Diyos din basbasol di ap-apo na ya adi polos mapakawan din basol ina na.

¹⁵Polos koma ay adi linglingan Diyos din basbasol da, ngem pap-engena pay koma di kanemnemneman din ngadan da isnan daga.

¹⁶Maga polos di seg-ang na, pinaligat na ya pinse na din nabiteg, kakkaasi ya nadismaya.