Kölfel 109:8-16

⁸Amwo ränin manauan epwe chökükün, nge eman epwe siwili lon wisan.

⁹Amwo nöün kana repwe mäsen, nge pwülüan we epwe lipichsefäl.

¹⁰Amwo nöün kana repwe nomofetal o tütüngor, eman epwe asürela seni imwer mi tala.

¹¹Amwo ewe chon angei liwinimang epwe angei meinisin mine an, nge chon ekis repwe angei fän pöchökül uän an angang.

¹²Amwo esap wor eman epwe eäni kirikiröch ngeni, esap pwal wor eman epwe tongei nöün kewe mi mäsen.

¹³Amwo mwirimwirin kana repwe mäla, nge iter epwe töttölüwu me lon aruuen täppin aramas.

¹⁴Amwo än an kewe lewo föföringau repwe chem me ren ewe Samol mi Lapalap, nge än inan tipis esap musala.

¹⁵Amwo ewe Samol mi Lapalap epwe chechemeni ar tipis fansoun meinisin, nge aramas repwe fokun manlükirela.

¹⁶Pun ewe mwän esap ekiekin eäni kirikiröch, nge a tapweri ekewe mi wöüngau o mwelele, pwal ekewe mi tatakis leluker, pwe epwe nirela.