Text copied!
BREAK EVERY YOKE
CopyCompare
Icamanal toteco; Santa Bíblia
- SALMOS

SALMOS 33
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
67
68
69
70
71
72
73
74
75
76
77
78
79
80
81
82
83
84
85
86
87
88
89
90
91
92
93
94
95
96
97
98
99
100
101
102
103
104
105
106
107
108
109
110
111
112
113
114
115
116
117
118
119
120
121
122
123
124
125
126
127
128
129
130
131
132
133
134
135
136
137
138
139
140
141
142
143
144
145
146
147
148
149
150

Help us?
Click on verse(s) to share them!
1Xihuicaca ica paquilistli para TOTECO amojuanti catli anitztoque xitlahuac iixpa. Nelía yejyectzi para nochi tojuanti catli tijchijtinemij catli cuali ma tijhueyichihuaca.
2Xitlatzotzonaca ica arpa para xijhueyichihuaca, TOTECO. Xihuicaca iixpa huan xijpaquilismacaca ica tlatzotzonali catli nesi quen guitarra.
3Xijsencahuaca se huicatl catli yancuic, huan xijhuicatica TOTECO. Xitlatzotzonaca cuali, huan xitzajtzica ica paquilistli.
4Pampa nelía xitlahuac nochi catli quiijtohua TOTECO. Nochi catli quichihua tenextilía para temachtli.
5TOTECO quipactía nochi catli xitlahuac huan catli melahuac. Nochi catli itztoque ipan tlaltipactli quiselíaj itlaicnelilis TOTECO.
6TOTECO tlanahuati ma onca ilhuicactli huan mochijqui. San camanaltic huan mochijqui metztli, tonati huan nochi sitlalime.
7Yaya quisansejcotili nochi atl catli eltoc ipan hueyi atl. Quiajojqui nopa atl campa más tlahuejcatla.
8Nochi antlaltipac ehuani xijhueyitlepanitaca TOTECO. Quena, nochi catli anitztoque ipan ni tlaltipactli xiquimacasica.
9Pampa nochi catli yaya quiijto, ya nopa mochijqui. Huan catli yaya tlanahuati ma eli, ya nopa monexti.
10TOTECO quinsosolhuilía inintlalnamiquilis masehualme ipan campa hueli tlalme para amo ma quichihuaca catli fiero moilhuijtoque. San tlailpitzas huan quincuapolos tlalme para amo huelise quichihuase catli fiero quisencajtoque quichihuase.
11Pero catli TOTECO moilhuijtoc quichihuas amo quema mopatlas. Catli ya quinequi, ya nopa elis para nochipa.
12Paquij masehualme ipan nopa tlali catli motemachíaj ipan TOTECO. Quena, nelía paquij nopa masehualme catli TOTECO quintlapejpenijtoc para iaxcahua.
13TOTECO catli itztoc nepa ilhuicac techhualtlachilijtoc nochi timasehualme.
14Hasta nepa ipan ilhuicac TOTECO techtlachilijtoc catli tiitztoque ipan ni tlaltipactli.
15Yaya TOTECO catli techyolchijchijqui nochi titlaltipac ehuani huan techtlachilía nochi catli tijchijtinemij.
16Se hueyi tlanahuatijquetl amo tlatlani pampa quinpiya miyac isoldados. Niyon se soldado catli motemaca amo tlatlani pampa quipiya miyac fuerza.
17Amo ximotemachi ipan se cahuayo para mitzmanahuis masque nelía tetic. San ica ifuerza amo hueli temanahuía.
18Pero TOTECO, quena, yaya nochipa techtlachilijtoc tojuanti catli tiquimacasij tiquixpanose. Techmocuitlahuía catli timochiyaj ipan itlaicnelilis.
19Techmanahuía quema tiitztoque nechca miquilistli. Huan techtlamacas quema oncas mayantli para noja ma tiitztoca.
20Tojuanti ipan toyoltzi timotemachíaj ipan TOTECO. Yaya techpalehuía huan techmanahuía ica catli amo cuali.
21Yeca ma tiyolpaquica ipan TOTECO, pampa timoneltemachijtoque ipan yaya catli nelía tlatzejtzeloltic.
22TOTECO, xijpiya moyolo tohuaya, pampa san ipan ta timochiyaj.


BREAK EVERY YOKE
Creating and distributing free Bible translations for the web and mobile phones to every tribe on Earth. Click to learn how you can support this work!