Psalms 109:8-16

⁸Buta se nu tom maiya biya marak me bagarukko; se kari bo nu kuwim te kari dom ko aratukko.

⁹Se noko kuriang mu nungumik nonet mena bagamon, se noko nuwus mu gerewa bagarukko.

¹⁰Noko kuriang mu ngual ngual geraga se ngatang te gi no se lagamonko; se nunga bagara kuwim memek te bagasan mu te nunga karomonko.

¹¹Se awiriya nongote mel ipi giam mu taimon ale kote melmasak suen la gi sapamonko, ale noko ura kowar ko nunguning ningo ningo mu agotala gi sapamonko.

¹²Se bo ta kiwem ningo bo me ta kumik te betemonko, agi ko kuriang marmar mu nunga nonoman me batagukko.

¹³Buta se noko gue te mu menamonko; se kariimet gue luan udagi mu eng me nunga ikimonko.

¹⁴Se noko nuet nongotak nunga memek bita lagaman mu Yawe me ta siwu warukko; ale ko nuam ko memek mu me ta siwu tuokko.

¹⁵Se nunga memek mu Yawe koma te butata anirukko; se nunga nunup ali imi te mu mena namarukko.

¹⁶“Mu awuk, nu kiwem ningo bo bitirukko ikia bo me ta tokaso; nu kituwura guat se nungumik mel mena alo mu nunga bita maguwukaso se nongomang bataga laga kua namakasan.