1¡NoTeco Dios, noyolo mocualtlalijtoc para nimitzhueyimatis! Nipaquis huan nihuicas tiohuicatl moixpa ica nochi noyolo.
2¡Quena, na nihuicas huan nitlatzotzonas ipan noguitarra huan noarpa! Ica paquilistli na nihuicas ijnaltzi quema ayamo tlanesi.
3Nimitzpaquilismacas, TOTECO, campa hueli iniixpa masehualme tlen nochi altepeme, huan nimitzhueyimatis iniixpa masehualme tlen nochi tlalme.
4Pampa ta tlahuel titemachtli huan onpano miyac motlaicnelijcayo, hasta quionajsi ihuejcapanca ilhuicactli.
5Ma nochi mitzhueyimatica nepa ilhuicac, Toteco Dios. Huan ipan nochi tlaltipactli ma quisentlachilica masehualme mohueyitilis.
6Xijtlacaquili quenicatza mitztzajtzilíaj moconehua catli tiquinicnelía. Xihuala ica miyac chicahualistli huan techmanahuiqui.
7Toteco Dios camanaltic ipan itiopa huan quiijto: “Ica paquilistli nijxelos tlali Siquem huan nopa tlamayamitl catli itoca Sucot.
8Pampa na noaxca tlali Galaad huan Manasés. Nosoldados hualase ipan tlali Efraín. Huan notlanahuatijcahua hualase ipan tlali Judá.
9Pero catli itztoque ipan tlali Moab huan Edom nechtequipanose, huan nitzajtzis ica paquilistli quema niquintlantos nopa filisteos.”
10¿Ajqueya nechmacas chicahualistli para niquintlanis nopa altepeme catli moyahualtzactoque ica tepamitl? ¿Ajqueya nechyacanas para nicalaquis ipan tlali Edom?
11¿Amo elis ta, tiToteco Dios, catli techyacanas? Techyacana huan xiya ica nosoldados para titlahuilanatij pampa amo aqui seyoc para techpalehuis, Toteco.
12Techpalehui para tiquintlanise tocualancaitacahua pampa san motlapalehuil ipati. Amo ipati masque miyac masehualme techpalehuisquíaj sintla ta, amo.
13Pero ica ta motlapalehuil tijchihuase huejhueyi tlamantli. Pampa san por ta ipan hueli timoquejquetzase tocualancaitacahua.
