Luku 2:11-38

¹¹Tɔm ntǝɣǝlɛ sɩ, pɑ lʋlɑ-mɛɣɛ wɑɑsʋlʋ kɛ sɑŋɑ ɑhoo ɑnɛɣɛ Tɑfiiti ɩcɑtɛ tɑɑ wei ɩ kɛ́ Tɑcɑɑ Kilisiti tɔ.

¹²Ɩɩ nɑɑ ɩsǝnɑ ɩ́ kɑ́ nyǝnɑ-ɩ tɔ. Ɩ́ kɑ́ mɑɣɑnɑ pɑ hɩɩsɑ ɑhʋlʋm nɔɣɔlʋ kɛ wontu kʋtɔɣɔʋ tǝtʋlɛ tɑɑ nɑ pɑ́ tɑkɑ-ɩ sɑɑlɑsɩ.

¹³Ḿpʋ́ɣʋ́ ɩsɔtɑɑ tillɑɑ sɑmɑɑ tuutuumɑ sɔɔsɑ ɩsɔtɑɑ tillu ɩnɩ ɩ tɔɔ kɛ́ kpɑkpɑɑ nɑ pɑ́ sɑŋ Ɩsɔ nɑ yontu sɩ:

¹⁴Ɩsɔ kɛlɛ teeli tʋ tǝkpɑpɑ kɛ hɑtoo ɩsɔtɑɑ te. Atɛ yǝlɑɑ mpɑ ɩ sɔɔlɑɑ tɔ pɑ lɑŋɑ ɩ́ hʋlʋmɩ.

¹⁵Wɑɑtʋ wei ɩsɔtɑɑ tillɑɑ yelɑ tiikilɑɑ nɑ pɑ́ mǝlɩ ɩsɔtɑɑ tɔ tiikilɑɑ mpɛ pɑ tɔmɑ pɑ tǝmɑ sɩ: Tǝ́ kʋlɩ nɑ tǝ́ polo Pɛtǝlɛhɛm tǝnɑ, nɑ tǝ́ nɑ́ mpi pǝ lɑpɑ nɑ Tɑcɑɑ heeliɣi-tʋɣʋ pǝ tɔm tɔ.

¹⁶Ḿpʋ́ɣʋ́ tiikilɑɑ lɔɣɔ pɑ tɩ nɑ pɑ́ mɑɣɑnɑ Mɑlɩ nɑ Yosɛɛfʋ nɑ pɑ́ hɩɩsɑ ɑhʋlʋm ɩnǝɣɩ wontu kʋtɔɣɔʋ tǝtʋlɛ tɑɑ.

¹⁷Tiikilɑɑ tɛmɑ-kɛɣɛ nɑʋ, ɩlɛnɑ pɑ́ kɛɛsɩ nti ɩsɔtɑɑ tillu kɑ tɛmɑ-wɛɣɛ heeluɣu kɛ ɑhʋlʋm ɩnɩ ɩ tɔm tɔ.

¹⁸Ḿpʋ́ɣʋ́ piti kpɑ pɑ tǝnɑ mpɑ pɑ nɩɩ tiikilɑɑ tɔm ntɩ tɔ.

¹⁹Ḿpʋ́ɣʋ́ Mɑlɩ tɔkɑ tɔm ntɩ tǝ tǝnɑɣɑ ɩ tɑɑ nɑ ɩ́ mɑɣɑsǝɣɩ tǝ hʋwɛɛ.

²⁰Tiikilɑɑ mpɛ pɑ mǝlɑɣɑ kpente ɩlɛnɑ, pɑ́ pʋɣʋlǝɣɩ Ɩsɔ sɔsɔɔntʋ nɑ pɑ́ sɑŋɩ-ɩ pǝ tǝnɑ mpi pɑ nɩɩwɑ nɑ mpi pɑ nɑwɑ tɔ pǝ tɔɔ. Pǝ tɑɣɑ pʋlʋ, pǝ tǝnɑ pǝ lɑpɑ teitei kɛ́ ɩsɩɩ ɩsɔtɑɑ tillu kɑ kɛɛsʋɣʋ-wɛ tɔ.

²¹Pǝyɑɣɑ ŋkɛ kɑ kʋyɛɛŋ kɔmɑ nɑ pǝ́ tɑlɑ pǝlefɛi nɑɑnʋwɑ sɩ pɑ pɛlǝɣɩ-kɛ tɔ, pɑ hɑ-kɛɣɛ hǝtɛ nte ɩsɔtɑɑ tillu kɑ heelɑ-wɛ nɑ pǝ́cɔ́ kɑ too kpɑɣɑ kɑ hɔɣɔ tɔ sɩ Yesu.

²²Ḿpʋ́ɣʋ́ wɑɑtʋ wei pǝ tɑpɑ sɩ Yosɛɛfʋ nɑ Mɑlɩ pɑ́ kɔtɩ pɑ tɩ tɑɣɑnʋɣʋ tɔɔ ɩsɩɩ pɑɑ kɛɛsʋɣʋ Moisi kʋsǝsɩɩɩtʋ tɑɑ tɔ, pɑ ponɑ pǝyɑɣɑ kɛ Yosɑlɛm sɩ pɑ hʋ́lɩ́-kɛɣɛ Tɑcɑɑ.

²³Pǝ tɑɣɑ pʋlʋ, pɑɑ ŋmɑɑ ḿpʋ́ɣʋ́ Tɑcɑɑ kʋsǝsɩɩtʋ tɑɑ kɛ́ sɩ: Pɑɑ ɑpɑlʋpǝyɑɣɑ kɑncɑɑlɑɣɑ nyǝŋkɑ ŋkɑ Tɑcɑɑ tǝnnɑ-kɛ.

²⁴Nɑ pɑ polɑɑ sɩ pɑ lɑkɩ kɔtɑɣɑ nɑ ɩhokɑsɩ nɑɑlɛ yɑɑ ɑlukukunɑɑ nɑɑlɛ ɩsɩɩ pɑɑ kɛɛsʋɣʋ Tɑcɑɑ kʋsǝsɩɩtʋ tɑɑ tɔ.

²⁵Apɑlʋ nɔɣɔlʋ ɩ kɑ wɛ Yosɑlɛm nɑ pɑ́ yɑɑ-ɩ sɩ Simiyɔŋ. Apɑlʋ ɩnɩ ɩ tǝŋɑɣɑ tɑmpɑnɑ, nɑ ɩ ɩsǝlɛ sɛɛnɑ Ɩsɔ tǝmlɛ, nɑ ɩ tɑŋɑɑ sɩ ɩ́ nɑ wei ɩ kɑ́ kɔɔ nɑ ɩ́ wɑɑsɩ Ɩsɛɣɛlɩ nyǝ́mɑ tɔ. Nɑ Feesuɣu Nɑŋŋtʋ wɛ ɩ wɑɑlɩ.

²⁶Feesuɣu Nɑŋŋtʋ ɩnɩ ɩ kɑ hʋlǝnɑ-ɩ sɩ ɩ kɑ́ nɑ́ Tɑcɑɑ tillu Mesii nɑ pǝ́cɔ́ ɩ́ sɩ.

²⁷Ḿpʋ́ɣʋ́ Feesuɣu Nɑŋŋtʋ lɑpɑ nɑ ɩ́ polo Ɩsɔ tǝsɛɛlɛ tɑɑ kɛ́ wɑɑtʋ wei ɑhʋlʋm cɑɑ nɑ ɩ too pɑ ponɑ-ɩ sɩ pɑ lɑkɩ ɩ tɔɔ kɛ́ mpi pɑɑ sɩɩwɑ tɔ.

²⁸Ḿpʋ́ɣʋ́ ɩ mʋ-ɩ ɩ niŋ tɑɑ nɑ ɩ́ sɛɛ Ɩsɔ sɩ:

²⁹Pǝnɛntɛ Tɑcɑɑ, nti n kɑ yɔɣɔtɑɑ tɔ n lɑpɑ-tɩ. Ɩlɛ yele nyɑ́ tǝmlɛ tʋ mɑ́ nɑ mɑ́ tɛɛnɑ lɑŋhʋlʋmlɛ.

³⁰Mɑ nɑnɑ mɑ ɩsǝpǝle kɛ wɑɑsʋlʋ

³¹wei n tɑɣɑnɑ yǝlɑɑ tǝnɑ ɩsɛntɑɑ tɔ.

³²Fǝtǝlɑ wei piitimnɑɑ kɑ́ nɑnɑ tɔ. Ɩnǝɣǝlɛ Ɩsɛɣɛlɩ nyǝ́mɑ teeli.

³³Ḿpʋ́ɣʋ́ piti kpɑ kɑ cɑɑ nɑ kɑ too nɑ nti ɩnɩ ɩ yɔɣɔtɑ kɑ tɔɔ kɛ́ mpʋ tɔ.

³⁴Ḿpʋ́ɣʋ́ Simiyɔŋ koolɑ-wɛɣɛ kʋpɑntʋ nɑ ɩ́ tɔ kɑ too Mɑlɩ sɩ: Pǝyɑɣɑ kɑnɛ kɑ nyǝntɛ ntɛ́ sɩ kɑ́ hu pɑɣɑlɛ nɑ kɑ́ kʋsɩ pɑɣɑlɛ kɛ Ɩsɛɣɛlɩ tɑɑ. Yǝlɑɑ pɑɣɑlɛ kɑ́ kpɛɛsǝnɑ mpi ɩ kɑ́ hʋ́lɩ́-wɛ tɔ.

³⁵Pɩɩ kuli pɑ pɑɣɑlɛ tɑɑ tɔmnɑɑ tɔɔ tǝkeelee. Lɑŋwɑkǝllɛ sɔsɔɔlɛ kɑ́ tʋlɩ toto nyɑɣɑ pʋ́ʋ́ɣʋ́ ɩsɩɩ lɑɣɑtɛ kɛ pɑ sɔpɑ-ŋ.

³⁶Ɩsɔ kʋyɔɣɔtʋtʋ tɛlǝsʋlʋ ɑlʋnyǝŋ nɔɣɔlʋ ɩ kɑ wɛ tǝnɑ tɔtɔ. Asɛɛ lʋlʋɣʋ tɑɑ tʋ Fɑnʋwɛlɩ pɛɛlɔ Anɑ. Ɩ kpɑtǝlɑ teu tǝkuŋkuŋku. Ɩ sɑɑʋ ɩ pɑɑlʋ tɔ, pɩɩsɩ nɑɑtosompɔɣɔlɑɣɑ kɛ pɑ cɑɣɑɑ ɩlɛnɑ ɩ́lɛ́ ɩ sɩ.

³⁷Nɑ ɩnɩ ɩ cɑɣɑ mpʋ hɑlǝnɑ pɩɩsɩ nɩɩnɑɑsɑ nɑ liɣiti. Ɩlɛ Ɩsɔ tǝsɛɛlɛ tɑɑ kɛ́ ɩ kɑ wɛ tɑm nɑ ɩ́ lɑkɩ Ɩsɔ tǝmlɛ kɛ ilim nɑ ɑhoo. Pɑɑ Ɩsɔ sǝlǝmʋɣʋ ɩ sǝlǝmǝɣɩ, pɑɑ nɔhɔkʋtʋ ɩ hɔkǝɣɩ.

³⁸Simiyɔŋ pɑ tɔŋnɑ ḿpʋ́ɣʋ́ lɑpʋ tɔɣɔ ɩnɩ ɩ kɔmɑ nɑ ɩ́ sʋʋ Ɩsɔ kɛ́ sɑm, nɑ ɩ́ yɔɣɔtǝɣǝnɑ pɑ tǝnɑ mpɑ pɑ tɑŋɑɑ sɩ Ɩsɔ ɩ́ wɑɑsɩ Yosɑlɛm tɔɣɔ Yesu tɔm.