Luku 2:11-38

¹¹Dokona lao epapu Dapitinya yuu taone dokona wane mende manjakami. Baa Kamongo Koraisa dokome nakama lete wai pyao nyera.

¹²Nyaŋa mende komau dokome yaki pisi nenge reto maingi dokona seramo doko kando nyepala dokolamo lao kandarami, leya.

¹³Dopa leyamo dokopa aŋala dokomoo yake panda karenge ama malu dupwa pipya aopa role pyao karapala Anatu lakando lao,

¹⁴Anatu ama ketae karamo doko wambu dupwame lakando karena, baa kyanyi kandelyamo dupwa koo soo kararami.

¹⁵Lapala aŋala dupwa nakama yaki nyepala yake panda dokona peyaminyi dokopa sipisipi rapu pingi akali dusipa dopa leyami. Mende pipyamo doko Kamongo dokome namwa nolako langilyamo doko yuu Beteleme dumbinya kandala mwua, leyami.

¹⁶Lapala waiya lao papala Mariamoo Josepemoo nyaŋa bulamakao nenge reto maingi dokona siyamo dokomoo kando nyiyami.

¹⁷Kando nyepala aŋalame wane dokona lao pii lamaiyamo dupwa polo leyami.

¹⁸Dokopa wambu siyami dupwa peparae sipisipi rapu pingi akali dusipame lamaiyami pii doko sepala yako leyami.

¹⁹Yako leyaminyipa Maria pii dupwa peparae yaki nyii nao suu pyanyi pyano peteya.

²⁰Dokopa sipisipi rapu pingi akali dupwame aŋalame leyamuli pyuo piyamo kandapala kapu kyuo anda pao dokopa Anatu ketae pyambuo lakando peyami.

²¹Yuu mange lama karo epo papeyamopa banya yongo yanenge pyakepanyi nembeyami. Baa ene rombanda palipa nayamopa aŋala kingi Yesu leyamo dokoko leyami.

²²Moseseme wane manjipala mende pirami lao Mawa Pii paleyamuli pyuo nakamba pipala elyape karambana lao Jerusaleme dokona lalyuo pao Yesu baa Kamongo dokona maiyalana peyambi.

²³Dokona ingyuo Kamongona mawa pii dopa lao pyasi palamo. Doko wane mupwa manjiraminyipa wane doko Anatunya dokona maiyalapape letamo.

²⁴Kamongona mawa pii leyamuli pyuo yaka wayamu lama panda yaka pumwa ikyane lama kiso mairami doko maiyala peyambi.

²⁵Dokopa akali mende kingi Simione lenge doko Jerusaleme kareya. Baa yulu rolae pyuo Anatu suu pyao karo Anatumi Isaraele wambu dupwa nyisala epelyape lao iso kareyamopa Imambu Poo Pyasi baa keta paleya.

²⁶Dokopa Imambu Poo Pyasimi lao nolako lamaiyuo, Wambo kumapa narenepa Kamongona Koraisa doko angi kandare, leya.

²⁷Akali doko Imambumi pyongo piyamopa tembole anda dokona epeya. Dokopa rakange endangipa dolapome wane Yesu Mawa Pii palengenyili pyuo baa pinya lao lanyuo epeyambinyipa

²⁸akali dokome baa kupyuo nyepala Anatu lakando dopa leya.

²⁹Kamongo, emba leenyili pyuo pipinyi doko kando karo dokona embena kendemande akali mona kyuu lao seramo pena lape.

³⁰Embena lete wai pyao nyingi doko

³¹wambu dupwa lenge kambu dokona emba rapa rapa pii doko namba baa lengeme kandalono.

³²Yanga paupau laramo dokome see nange wambu dupwa embena kata kando nyerami dee Isaraele rara doko yanga paupau laramo dokome rara neta renge ingyuo para leya.

³³Dokopa baame wane doko kando leyamo pii doko sepala banya endangi rakangepa yako leyambi.

³⁴Dokopa Simione baame nakamba elya pyuo penale lao endangi Maria kando dopa lamaiya. Wane dakeme renge kuiramopa Isaraele wambu malu isa paraminyipa maluko ketae pao kararami ingilya kande. Baa Anatu dokona lyakai pyuo kararamo kandapala yanda pimwaiyuo lao kararami.

³⁵Dokopa nakamana suu pingi monarena silyamo dupwa panara. Dee wua gelame wambunya mona dokona arekyu pilyamosa randa pingi doko suu pyao embena mona anda randa wakasa nao karare leya.

³⁶Yuu gii dokopa Anatunya poropeta enda Ana lenge Panyuelena wanenge rara kingi Asa lenge doko endemo ingyuo peteya. Baa akali nyiyamopa enakana ee kana yanda ipingi nyero banya akalingipa paleyambi.

³⁷Akalingi kumuyamopa baa enda waiya ingyuo ee kana akalisa mange lama karo ipisu kisima (84) peteya. Baa tembole anda doko yaki nyii nao kukwa korakamape nenge wasaka pyuo ateŋa lao Anatu ketae pyambuo yako lao peteya.

³⁸Josepe Mariapa tembole anda Anatu mona maiyuo kingi lao peteyambinyi gii dokopako Ana baa epapala Anatu kando ange lapala Anatumi Jerusaleme kiiramo nyela epelyape lao kando kareyami dupwa peparae wane dokosa lao kando lamaiya.