لُكِ 2:11-38

¹¹تٌ، وٌ رَكِسِمَ، عَلَ شَ مِشِ سُفَندِشِ، عَ بَرَ بَرِ دَوُدَ شَ تَا كُي. وٌ مَرِفِ نَن عَ رَ.

¹²وٌ عَ كٌلٌنمَ يِ تْنشُمَ نَن نَ، وٌ دِيْرّ لِمَ عَ مَقِلِنشِ دُفِ كُي، عَ مَن سَشِ شُرُ سٍ دّفٍدٍ كُي.»

¹³مَلٍكّ فّ وْيّندٍ تَن مُ عَ رَ، مَلٍكّ فَلِ نَشَ قَ بٌورٍ قّ مَ. عٍ نُ عَلَ مَتْشْقٍ، عٍ نُ عَ قَلَ،

¹⁴«مَتْشْي نَ عَلَ بّ هَن كٌورٍ مَ! بْحّسَ نَ عَدَ مَدِيٍ بّ دُنِحَ مَ، عَ هِننّشِ نَشٍيٍ رَ!»

¹⁵مَلٍكّيٍ تٌ كٍلِ عٍ شُن مَ تٍقٍ رَ كٌورٍ مَ، شُرُ سٍ دّ مَدٌنيِيٍ نَشَ عَ قَلَ عٍ بٌرٍ بّ، «وٌن شّي بّتّلّيمُ، وٌن شَ سَ يِ قٍ مَتٌ نَشَن نَبَشِ نَا، مَرِفِ بَرَ نَشَن مَسٍن وٌن بّ.»

¹⁶عٍ نَشَ سِفَ عٍ شُلُن نَ، عٍ مَرِيَمَ نُن يُسُقُ لِ، عٍ نُن دِيْرّ، عَ سَشِ شُرُ سٍ دّفٍدٍ كُي.

¹⁷عٍ تٌ نَ تٌ، عٍ نَشَ قٍ بِرِن تَفِ رَبَ، مَلٍكّ نَشَن مَسٍن عٍ بّ نَ دِ شَ قٍ رَ.

¹⁸مِشِ نَشٍيٍ شُرُ سٍ دّ مَدٌنيِيٍ شُي مّ، عٍ بِرِن نَشَ كَابَ عٍ شَ وْيّنيِ مَ.

¹⁹مَرِيَمَ قَن نَشَ يِ قٍ بِرِن نَفَتَ عَ بْحّ مَ، عَ نُ عَ حْشْ سَ عَ شْن.

²⁰شُرُ سٍ دّ مَدٌنيِيٍ نَشَ فبِلٍن عَلَ مَتْشْ رَ، عٍ نُ عَ تَنتُ قٍ بِرِن مَ عٍ بَرَ نَشٍيٍ مّ، عٍ مَن بَرَ نَشٍيٍ تٌ. عٍ عَ بِرِن لِشِ نّ عَلْ عَ مَسٍن عٍ بّ كِ نَشّ.

²¹شِ سٌلٌمَسَشَن تٌ كَمَلِ، دِيْرّ نَشَ سُننَ. عَ شِلِ نَشَ سَ عِسَ، مَلٍكّ نُ بَرَ شِلِ نَشَن مَسٍن عَ نفَ بّ بٍينُن عَ شَ تّيفّ عَ مَ.

²²مَرَ سّنِيّنيِ وَشَتِ تٌ كَمَلِ عَننَبِ مُنسَ شَ سّرِيّ كِ مَ، يُسُقُ نُن مَرِيَمَ نَشَ عِسَ شَنِن دَرِ سَلَمُ، عَ شَ مَسٍن مَرِفِ بّ،

²³عَلْ عَ سّبّشِ كِ نَشّ مَرِفِ شَ سّرِيّ كُي، «وٌ دِ شّمّ سِنفٍ بِرِن قِمَ ﭑ تَن نَن مَ.»

²⁴عٍ مَن سِفَ نّ عٍ شَ سَ سّرّشّ بَ عَلْ عَ سّبّشِ مَرِفِ شَ سّرِيّ كُي كِ نَشّ، «فَنبّ قِرِن، شَ نَ مُ عَ رَ كٌلٌكٌندٍ لَنمَ قِرِن.»

²⁵شّمّ ندٍ نُ نَ دَرِ سَلَمُ، نَشَن شِلِ سِمٍيْن. دِينّلَ تِنشِنشِ نَن نُ عَ رَ، نَشَن نُ عِسِرَيِلَ رَكِسِمَ مَمّقٍ. عَلَ شَشِلِ سّنِيّنشِ نُ نَ عَ شُن مَ.

²⁶عَلَ شَشِلِ سّنِيّنشِ نُ بَرَ عَ مَسٍن عَ بّ، عَ عَ مُ قَشَمَ قٌ عَ مَرِفِ شَ مِشِ سُفَندِشِ تٌ.

²⁷عَلَ شَشِلِ سّنِيّنشِ نَشَ عَ نِيَ عَ شَ سِفَ هْرْ مْبَنشِ كُي. عِسَ بَرِ مَيٍ قَن تٌ سٌ نَا عٍ شَ دِ رَ، عَلَكٌ عٍ شَ عَلَ شَ سّرِيّ رَبَتُ عَ شَ قٍ رَ،

²⁸سِمٍيْن نَشَ عِسَ رَ سُشُ، عَ عَ سَ عَ كَنكٍ مَ. عَ نَشَ عَلَ مَتْشْ، عَ عَ مَسٍن،

²⁹«مَرِفِ، عِ بَرَ قَ عِ شَ لَايِدِ رَكَمَلِ ﭑ بّ تٌ، عِ شَ كٌنيِ شَ تَا مَسَرَ بْحّسَ كُي،

³⁰بَرِ مَ ﭑ يَ بَرَ عِ شَ كِسِ تٌ،

³¹عِ نَشَن شّيشِ عَدَ مَدِيٍ بِرِن يَ شْرِ.

³²نَءِيَلَنيِ نَن عَ رَ نَشَن عَلَ مَكّنّنمَ سِ فبّتّيٍ بّ، عَ قِندِ نْرّ رَ عِ شَ عِسِرَيِلَ حَمَ بّ.»

³³عِسَ بَبَ نُن عَ نفَ تٌ عَ مّ نَشَن مَسٍنشِ عَ شَ قٍ رَ، عٍ نَشَ كَابَ.

³⁴سِمٍيْن تٌ دُبَ عٍ بّ، عَ نَشَ عَ قَلَ عِسَ نفَ مَرِيَمَ بّ، «عَلَ بَرَ حَنِفٍ تٌنفٌ يِ دِ شَ قٍ رَ. عِسِرَيِلَكَيٍ شَ قٍ فبٍفبٍ مَفٌرٌ مَ نّ عَ سَابُي رَ، ندٍيٍ قَن شَ قٍ عِتٍمَ نّ. عَ قِندِ مَ تْنشُمَ نَن نَ، كْنْ مِشِ وُيَشِ قَمَ نّ عَ مَتَندِدٍ.

³⁵نَ كُي، مِشِ فبٍفبٍ بْحّ مَ قٍيٍ قَمَ مَكّنّندٍ. عِ تَن قَن، سُننُنيِ قَمَ عِ بْحّ تُنبَدٍ عَلْ سَنتِدّفّمَ.»

³⁶نَمِحْنمّ فِنّ قٌرِ قَن نُ نَ، نَشَن شِلِ عَننَ. عَ شَ سِمَيَ نُ بَرَ مَسِفَ كِ قَنيِ. قَنُوٍلِ شَ دِ نَن نُ عَ رَ كٍلِقٍ عَسٍرِ بْنسْي. عَ نُ بَرَ دْشْ شّمّ تَا عَ فِنّدِ مّدِ رَ، كْنْ حّ سٌلٌقٍرٍ دَنفِ شَنبِ، عَ شَ مْرِ نَشَ لَاشِرَ.

³⁷كَبِ نَ تّمُي، عَ نُ بَرَ لُ كَاحّ كُي هَن عَ شَ سِمَيَ نُ بَرَ حّ تٌنفٌ سٌلٌمَسَشَن نُن نَانِ لِ. عَ مُ نُ كٍلِمَ هْرْ مْبَنشِ كُي، عَ نُ عَلَ بَتُ نَا، كْي نُن يَنيِ، سُنيِ نُن سَلِ رَ.

³⁸نَ وَشَتِ كٍرٍنيِ، عَننَ نَشَ قَ نَرَلَن عِسَ نُن عَ شَ مِشِيٍ رَ. عَ نَشَ سٌ عَلَ مَتْشْقٍ، عَ نُ قَ يِ دِ شَ قٍ قَلَ بِرِن بّ، نَشٍيٍ نُ عٍ يَ تِشِ عَلَ رَ دَرِ سَلَمُ شُنسَرَقٍ رَ.