Fufua 8

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Dameŋ ira Anutuzi Noare manasuhuc qowi wiac ehec wokeo jumbiŋ jaŋere mâmâc manasuwec. Iŋuc ehuc mume mâŋâŋ sâko qame opâ sâko e fâre wahawec.

²Eme opâ mârâc juwic ʒâkâŋkonec wefuwec i mecne â faic sawa motâc aŋkeme wahawec i mâmâc Anutuzi aka hejareme ʒicke kereŋ embiŋ.

³Eme mâreŋ faio opâ jaŋe fofo‐jeŋickoa risiehuc qâzucke‐fârepie opâ sâko fâre wahawec. Ʒoaŋ 150 irec faicnao hâcne fuŋkehuc fâre wahawec.

⁴Fâre wahakume wokezi mosa 7 irec ʒoaŋ gie bapa 17 ira Ararata tiki botâŋne mocko hesanaŋkerâ ŋewec.

⁵Juku opâ e fâre wahakume mosa 10 irec ʒoaŋ gie bapa 1 ira tiki botâŋ‐jeŋic tâtâc fua rawec.

⁶Eme ʒoaŋ 40 tarame Noazi faic motâc pitic, mârâc bakicne i rorâ

⁷kâec kâec moc soreme sawao rac warec ehuc juhame mâreŋko opâ kereŋkewec.

⁸Eme jurâ jurâ Noazi hapâ moc soreme rawec, mâreŋko opâ fâre wahawec me mâcne, irec fuŋne mana‐hâmoocte.

⁹Hapâzi rac warec ehuc, opâzi mâreŋ sâockewecte ŋeŋe basaku mocwâc Noarao risiewec. Eme Noazi meticne sicnerâ hapâ ro wokemaŋko râewec.

¹⁰Eme mocwâc ʒoaŋ 7 woŋec juku hapâ ijaha soreme rawec.

¹¹Eme hapâzi owâcne erao risiehuc mi oliwa rehacne ɋâricne barezejec i! Iŋuc eme Noazi fuŋne ʒiŋuc manawec: Opâ fâre wahame mâreŋ fua rakac.

¹²Eme mocwâc ʒoaŋ 7 woŋec ŋeku hapâ moc soreme rawec. Eki rarâ mocwâc mi risiewec.

¹³Noare jara dameŋ 601 irec mosa wâŋte ʒoaŋ gie bapa 1 ira opâ sâko mâreŋ faio fowec i kereŋke‐fârewec. Eme Noazi wokere bupu bâropierâ honewec: Mâreŋ faio opâ ʒickewec hâcne.

¹⁴Eme mosa 2 irec ʒoaŋ gie bapa 27 ira mâreŋzi kereŋkerâ fowec.

¹⁵Eme Anutuzi Noa ʒiŋuc muhuc âzâcnewec:

¹⁶“Go â ŋonâŋge erâ ŋokâ joŋaofâcge, ŋoŋe wokeonec wahaniŋ!

¹⁷Erâ qowi mecne, wipe homa gisic wiac mecne, gohec wokeo juŋgopieŋ jaŋe ejaretec waha‐fârerâ fua sawec ehuc mâreŋ sâcke‐fârenʒepieŋ.”

¹⁸Iŋuc mume Noa â ŋonâŋ‐ticne â ŋokâ joŋaofâc‐ticne,

¹⁹erâ qowi sasawa â wipe â homa gisic sasawa, hawari‐jeŋic sâc wokeonec wahambiŋ.

²⁰Waha‐fârepie Noazi Wofuŋte alata moc barâ qowi â wipe nânâne jaŋeraonec moc moc iŋuc rocjopaku Anuture bâzi rikec‐jopawec.

²¹Eme Wofuŋzi bâbâmiriŋte âsu manahuc maŋticnao ʒiŋuc muwec: “No mâreŋko wiac jujuhec i ŋicte ehuc mocwâc mi sâweckezepac. Ŋic jaŋe ɋieonecteaŋ maŋjeŋiczi mamanasu gie repicne baraʒihuc juniŋmu, no ine sifu ŋicte erâ wiac jujuhec mocwâc mi bâsirowepemu.

²²Mâreŋte dameŋ fofeocmu sâc: Hesarac â qa roro, mâmâteŋ â fâroroc, hoe dameŋ â ʒoaŋ dameŋ, ŋafe â furec iŋuczi iŋuc ʒuʒuhuc fofehuc juzejec!”