Fufua 40

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Eme wiac keci fuawec irec faicnao ŋicwofuŋte waiŋ soŋaŋ micne â poroŋ ririke micne jahe gie‐jekic bâsifuckepic.

²Eme Farao e kiŋaŋŋic jahec‐ticne, waiŋ soŋaŋ micne â poroŋ ririke micne hâcne, jahere aarickewec.

³Irec mume momori micne ere ficko, kâpâcwâru ficko hâcne, râec‐jofambiŋ. Josefezi ine fic ijaha fowec.

⁴Eme momori micne e Josefezi kiŋaŋ qajacteocte mucnewec. Ehame jahe dameŋ ŋondeŋ bembeŋne kâpâcwâru ficko ʒuhuckerâ fopic.

⁵Ehuc dameŋ mocko ŋafe ijaha guŋ manapic. Moc e guŋticne moc manawec â moc e guŋticne moc manawec, guŋ manapic i ine fuŋnehec. Aigita ŋicwofuŋte waiŋ soŋaŋ micne â poroŋ ririke micne kâpâcwâru ficko fopic, jahe hâcne iŋuc epic.

⁶Eme hae fureme Josefezi jahere ficmaŋko ferâ busâqoc hawari ŋehapire honec‐jofawec.

⁷Honec‐jofarâ indiŋ‐jofahuc muwec: “Ŋohe miŋecgac wemocte busâqoc hawari ŋekopirec?”

⁸Mume jahe âzâcnepic: “Nâhe guŋ manaperec, erâ ŋic moczi irec fuŋne nâsâocte basakoperec.” Eme Josefezi muwec: “Guŋte fuŋne mumu i Anuture wiac, erâ sifu binaŋ banarenic.”

⁹Eme waiŋ soŋoŋ micnezi guŋ manawec irec binaŋ bahuc muwec: “No ʒiŋuc manapac: Maŋfuŋ‐naneo waiŋ qizecne fuame honepac.

¹⁰Eme gitecne jahec â moc heha hehame ârine qajec, erâ izia wâc fârine fuarâ qeuejec.

¹¹Noni ine Faraore râqâc menanezi badomahuc hândâŋne rorâ bâpisickepe râqâcko hume Farao menao râepe rowec.”

¹²Eme Josefezi âzâcnewec: “Irec fuŋne ʒiŋuc: Gitecne jahec â moc izi ʒoaŋ jahec â moc irec sâc ekac.

¹³Ʒoaŋ jahec â moc tarame Faraozi bârisiecgurâ mocwâc giegao râecguocmu, eme go mârâc waiŋ soŋaŋ micne juhuc Farao râqâc râcnehuc jumeŋ iŋuc jaha mocwâc ehuc jucmu.

¹⁴Iŋuc erâ bubiaŋ faio juhuc ine nore mac manasuhuc fuŋne‐nane Farao âzâcnezemec, iŋuc ehuc baficnutec fic ʒi behezepac.

¹⁵Manakic, no Kanaaŋ mâreŋkonec fiuc rocnukicne â ʒira iŋuc jaha wiac sâqocne moc mi ehape oma jâmbâŋ kâpâcwâru ficko râecnumbiŋ.”

¹⁶Eme poroŋ ririke micne e, Josefezi guŋte fuŋne biaŋne mutaniŋkejec, iŋuc honerâ ʒiŋuc âzâcnewec: “No guŋ manapac wâc, kecʒiŋuc: No amae jahec â moc poroŋhec qizecko huhuckepac.

¹⁷Ehame amae faine ŋejec ira Faraore biŋne nânâ poroŋ aŋacne fuŋne fuŋne foha wipe jaŋe ware irecnec nâmbiŋ.”

¹⁸Eme Josefezi dâŋ ʒiŋuc bâtikiecnewec: “Irec fuŋne kecʒiŋuc: Amae jahec â moc izi ʒoaŋ jahec â moc irec sâc jaha.

¹⁹Ʒoaŋ jahec â moc tarame Faraozi mume jâcko bituacguniŋmu, eme wipe jaŋe biucge nâfâreniŋmu.”

²⁰Eme ʒoaŋ jahec â moc tarame Farao fufua hombaŋ‐ticne maickeme kiŋaŋ qaqafâc‐ticne jaŋere tiwâ bâzi ewec. Ehuc kiŋaŋ qaqafâcne jaŋere ŋondeŋko waiŋ soŋaŋ micne â poroŋ ririke micne jahere dâŋ mutarawec.

²¹Ehuc waiŋ soŋaŋ micne e râqâc‐ticne mocwâc râcneocte mucnewec, mârâc gie‐ticnao râewec hâcne.

²²Poroŋ ririke micne e ine Josefezi jasawec irec sâcko bituambiŋ.

²³Waiŋ soŋaŋ micne eki ine Josefere mocwâc mi manasuwec, mâc nâme nikec erâ juwec.