Fufua 6

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Ŋiczi mâreŋko sawe mâririackezo ehapie narufâc‐jeŋic wâc bocjaha fuambiŋ,

²dameŋ ira nemu jaŋe ŋic jaŋere narufâc hawari biaŋ honec‐jopambiŋ, erâ honebâc‐jopambiŋ sâc ŋonâŋfâc‐jeŋic bacjopambiŋ.

³Eme Wofuŋzi muwec: “Nore tâpirizi ŋicko mi fofehuc juzejec, ŋic e mâreŋkonec, sahac biuchec, mâreŋko juju‐ticnere jara dameŋ 130 mocwâc mi jâuruzejec.”

⁴Dameŋ ira nemu â mâreŋ ŋokac jaŋe turepie ŋicsâko mako ʒâŋe biŋehec fuarâ jurambiŋ.

⁵Eme ŋic jaŋe mâreŋko mamakâc sâko fuŋne fuŋne ehuc maŋ sâc wiac sâqocne sasawa ʒuʒuhuc maŋke jumbiŋte

⁶Wofuŋzi i honerâ mâreŋŋic bâfuac‐jopawec irec erâ bunezi hâhâtâwewec.

⁷Eme Wofuŋzi muwec: “Ŋic bâfuac‐jopapo jaŋe bâsirowec‐jopape mâreŋko omaenʒepieŋ, qowi â gisic wiac â sawa wipe jaŋe mâmâc, jaŋe bâfuac‐jopapore bunane hâhâtâwekac!”

⁸Noa e ine Anutuzi hone ʒemuraŋ ecnewec.

⁹E tiŋne â mitinezi ŋic ŋondeŋko juwec, ehuc Anutuhec ʒâʒâfic sanaŋ erâ juwec.

¹⁰Ehame ere bifuŋko ŋokâ 3 fuambiŋ, ʒâŋe‐jeŋic Sem, Ham â Jafete. Noare binaŋ iŋuc.

¹¹Â mâreŋŋic gâcne jaŋe ine Anuture maio sâqore‐fârepie sindaŋ hârindaŋzi mâreŋ fusucmawec.

¹²Eme Anutuzi mâreŋ honeme sâqore‐jâmbâŋkewec, mâreŋŋic juju â eebapa‐jeŋic sifuc safucke‐fârerâ fowec.

¹³Eme irec Anutuzi Noa ʒiŋuc âzâcnewec: “No mâreŋŋic jaŋere dameŋ taraocte manapaŋkekopac. Jaŋe sindaŋ hârindaŋ‐jeŋiczi mâreŋ fusucmakacte no bâsirowec‐jopapemu.

¹⁴Irec go marojâc herâ izi woke moc bazemec. Erâ âke tâcnetec maŋne maŋne fua‐fâreme maŋne â sahacne sâfâzi ʒimickezemec.

¹⁵Woke sâcticne kecʒiŋuc bazemec: Ʒoricne‐ticne kubi 300, otecne‐ticne kubi 50 â hâŋne‐ticne kubi 30.

¹⁶Erâ bupune bâbâzickehuc sâcmutâcte sâcko faic motâc piticne moc bazemec â motâc jâmbâŋ‐ticne ine neŋgocnaopec râezemec. Maŋnao feŋgaŋne jahec â moc fuanʒepieŋ.

¹⁷Manakic, no mâreŋko ŋic juŋgopieŋ jaŋe bâsirowec‐jopa‐fârepemurâ rumi sâko bâfuape mâreŋko wiac jujune forakac i omae‐fâreocmu.

¹⁸Gohec ine ʒâʒâfic fârine ekopac. Goki wokeo ferâ juzemec, go â ŋonâŋge â ŋokâ joŋaofâcge, jaŋe gohec mâmâc wokeo ferâ junʒepeiŋ.

¹⁹Â wipe qowi jaŋe sipiricke‐fârenʒipiŋte jaŋeraonec jajahec jajahec, ŋicne ŋokacne iŋuc aŋa sâsâc rocjopatec gohec mâmâc wokeo fenʒepieŋ.

²⁰Wipe fuŋne fuŋne, qowi fuŋne fuŋne, â homa gisic wiac fuŋne fuŋne jaŋeraonec jajahec jajahec gohec mâmâc wokeo raʒirâ junʒepieŋ.

²¹Â wiac nânâne i me i fokac sâc mâmâc nuse qâzuc efârerâ wokeo rotec feme izi gahacne â wipe qowi jaŋere juju dopeckezejec.”

²²Eme Noa e Anutuzi muwec sâc micdâŋ‐ticne reŋke‐fârerâ ejâmbâŋkewec. Noa e iŋuc hâcne ewec.