Uyuhana 13:11-29

¹¹Barki ma rusa uye madi nyare me, ine ini ya wuna maguna, “Izi lau vat ushi ba.”

¹²Sa ma mara ukpico uwe tibuna me, ma, i ugyeptu u impino umeme ma impino ni ma duku gun we, irsa imum be sa ma wuza shi? I gusam unu nyetike, nan ugomo Asere.

¹³Ane ani daki ya hunne me ba, ane ani inzi.

¹⁴Mi unu nyetike, nan ugomo Asere, ma kpico tibuna tishi, shi idi kpici tibuna ta cee ashi.

¹⁵Ma wuza ani me bati shi iwuzi kasi mime.

¹⁶Kadure kani izinu boo shi, urere mada teki me una kura ame ba, vana uka dura mada teki me desa ma tuma me ba.

¹⁷Inki irusa anime, i kuri iwuzi imumu ihuma shi ana muriba murum muni.

¹⁸Azo vat ushini in boo shi ba, in rusa ande sa ma zauka. In wuzi anime barki amyinca tize ta Asere tini, unu guna desa mazina re imimare im, ma ga mi.

¹⁹In di booki shi ana me uganiya wamu aye ba, in! i uganiya wa wuna inya mu riba mimani me.

²⁰Kadure kani, in booshi, desa ma hem indesa ma tuburko, ma hem in mi mamani. Desa ma hem in mi, ma hem indesa ma tumam.

²¹Ugainya sa yeso ma suka anime, iriba ya wume gitak ma boki magu, kadure kani in booshi uye anyimo ashime madi zizum.

²²Ahana katuma kameme wa tunguno u hira acece, unu gusa aveni ma boo me.

²³Uye anyimo ahana akatuma kameme, desa yeso mazinu su ume, ma ciki upuru umeme.

²⁴Bitrus ma dari me magu, “Bukan duru yeso ma boo aveni”.

²⁵Desa mara upuru uyeso magu me, “Ugomo Asere aveni?”

²⁶Yeso ma kabirka magu, “me mani desa indi inta imumare in nya me” sa ma inta imimare, ma wu yahuza iskariyoti vana usaminu ayo.

²⁷Sa ma kaba imumare me, imum me irizi me iriba, yeso magun me, “Wuza imum be sa udi wuzi ana me”.

²⁸Anyimo ande sa wazina re imumare me, wata we imum me sa ya wuna yeso ma boka anime ba.

²⁹Wa gusi nani yeso maguna me ma kuri ma siri iri imumare in, nan ma nya anu dira akara ire imum, barki sa me yahuza mani ma canti ulalinta ikirfi iweme.