San Juan 13:11-29

¹¹Jesús okimatia akin kitemaktiskia, yika okijto: “Amo nochteh nonchipawakeh.”

¹²Ijkuak yotlanki okimikxipajpak itlamachtijkawah, oksepa okimokentili ikapa iwa omotlalito kan mesa, iwa okinmili: —¿Nonkajsikamatih tlan onikchi nomowah?

¹³Nomejwah nonnechnotsah Tlamachti iwa Noteko, iwa kuali tlan nonkijtoah, porke milák, Ne Nomotlamachti iwa Nomoteko.

¹⁴Iwa tla Ne Nomoteko iwa Nomotlamachti onomechinpakili nomokxiwah, ijkó noiwa moneki ximosepanikxipajpakakah.

¹⁵Porke ijkó kemi Ne onikchi moneki no ijkó xikchiwakah.

¹⁶De milajka, de milajka nomechilia se tlakéwale amo okachi weyijkatitok ke iteko. Ijkó noiwa, se tlatitlánili amo okachi weyijkatitok ke akin okitítlanki.

¹⁷Tla nonkajsikamatih iwa nonkichiwah tlan nomechilijtok, nonkipiaskeh miak pakílistli.

¹⁸'Tlan nikijtoa amo para nochteh nomejwah. Ne nikinmixmati inyolo akimeh onikimpéjpenki. Pero nika mochiwas tlan kijtoa n tiotlajkuíloli: “N tlakatl akin nowa tlapaloa, omíxkopki nowa.”

¹⁹Axa nomechilia nochi ni, para ijkuak ijkó tlamochiwas, xikneltokakah Ne Ni Cristo.

²⁰De milajka, de milajka nomechilia: Akin kiselia akin Ne niktitlani, Ne nechselia, iwa akin Ne nechselia, noiwa kiselia Akin onechaltítlanki.

²¹Ijkuak Jesús okimijto ninteh tlájtolteh, saikpanoa oyoltélinki iwa okinyekili: —De milajka, de milajka nomechilia, seme de nomejwah nechtemaktis.

²²Ijkuakó n itlamachtijkawah opé motlatlajtlatah, porke amo okimatiah akin okitenejtoka.

²³Seme de yejwah non Jesús okitlasojtlaya, omonakasiktekak itech Jesús ijkuak otlakuajtokah.

²⁴Simón Pedro okichtakaili n Juan makitlajtlani n Jesús akin okitenejtoka.

²⁵Ijkuakó okachi omijkuani inawak Jesús iwa okitlajtlani: —Noteko, ¿akin mitstemaktis?

²⁶Jesús okinankili: —Nikajakis siki paj, iwa akin Ne nikmakas, ye nechtemaktis. Ijkuakó Jesús okajaki n paj iwa okonmák n Judas Iscariote, ipiltsi n Simón.

²⁷Ijkuak Judas okikua n paj, n diablo okalak itech iyolo. Ijkuakó Jesús okili: —Tlan tikchiwas sansemi xikchiwa.

²⁸Nion se de yejwah, akimeh otlakuajtokah itech mesa okajsikama tleka n Jesús ijkó okili n Judas.

²⁹Kemi Judas okipixtoka n tomi, yejwah okiyejyekoliayah chamo Jesús okili makikoati tlan monekis para n ilwitl de Paskua, noso itla makintliokoli n próbesteh.