1Idi siya di, nankali si Elifaz ay taga-Teman yan kanana,
2“Anosam koma din ibagak en sik-a tan adiak makaitpe si kalik.
3Nemnemem din ad-ado ay initdoam ya din binadbadangam ay magay kabaelan da.
4Pinapigsam abe sin kalim din nadismaya ya nadadagsenan sin ligat da.
5Ngem ed wani ay sik-a di maligatan yan adi kan maanosan.
6Patpatgem si Diyos ya magay maipabasol en sik-a, et lebbeng na ay mantalek ya mannamnama ka.
7Nemnemem kod na. Ay wada aya di magay basol na ay dosaen Diyos ta matey?
8Siya na di inilak: Din mangimola si basol ya problima et lawa di apiten da.
9Tan kaman napigsa ay dagem din bonget Diyos ay manadael en daida.”
