Ezekiel 2

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

¹Ogin chun mihem chapadingdoh in keiman nang koma thu seinom kaneije ati.

²Aman kajah a thu asei phat chun kasunga lhagao ahung lut in chuin kakeng phang tenin eidiinsah tai. Keiman kajah a thu kisei ho chu phatechan kangaije.

³Mihem chapa keiman nangma hi Israel nam mite keima doumah mah bol nam mite koma kasol nahi. Amaho leh apu apateu hin tunichan in keima eidou jing uve.

⁴Amahohi milungtah leh milouchal te ahiuve. Thanei vaihom Pakai chun thu ahin seije tia seipeh dinga kasol nahi tin eiseipeh e.

⁵Amahon ngaiju hen lang ngaida jong leu amahohi doumah bol ahiuhi, nahetna hijeh a chu amaho lah ahin themgao khat aum jinge ti beh henau vinte.

⁶Mihem chapa amaho ahiloule athuseiju kicha hih in, ling leh khao thahpi chule midep thei aipi lah a um bang in nagih jong leu kicha hih in. Mitvom letlut a navet tengu jongleh nangma kicha hih in.

⁷Amahon ngaiju hen lang ngaida jong leu nangman kathusei hi nasei peh ding ahi. Ahinlah amaho hi doumah boljing nom mite ahijeh un kathusei ngai pouvinte.

⁸“Mihem chapa, nakoma ipi kaseiahi phaten ngaijin, doumah mahabol nauva khun jau hih beh in, nakam kan lang chule khat pen penhi nen”

⁹Hichun kavet leh vetan khut khatkaheng lama hung kilhung dohchu kamui. Hichun lekhajol khatachoijin

¹⁰Alham lhan ahile alangto athilhahna la ho, lunghemna thucheng ho, chule manthahna thukiphongdoh ho jeng dimset kamun ahi. Lekhajol Ne Dia Themgaopa