Ezekiel 2

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

¹Migkaǥi is laǥeng kayi te kedì te, “Sikew is etew, hitindeg ka su zuen ku egkeǥiyen kenikew.”

²Dutun te kebpekidlalag din kedì, mibpurungan a ulini te Mulin-ulin ne impehitindeg e zin. Mibpemineg ku is laǥeng he ebpekidlalag kedì.

³Ke sikandin te, “Sikew is etew, edsuǥuen ku sikew ziyà te menge etew te Israel, he iyan kes nasyun he mesinupaken kediey. Is menge kepuun dan midsupak kedì dengan, ne taman en guntaan is kedsupaka zan kediey.

⁴Utew sikandan midtaman he mesinupaken. Iyan a, is Nengazen he MEGBEVAYÀ midsuǥù kenikew ziyà te kandan te kegkaǥi kandan te menge lalag ku he para kandan.

⁵Mebpemineg dan etawa kenà su menge mesinupaken man sikandan, ne ereg he egketuenan dan he zuen ebpeneuven he zuma zan.

⁶Ne sikew is etew, ne kenè ka mahandek. Kenè ka mahandek minsan mesakit is ebpengeǥiyen dan iring te zuǥi etawa kineǥatan te venayew. Kenè ka mahandek emun edhulgaan ke zan, su netuenan nu en he mesinupaken sikandan he menge etew.

⁷Keǥiya nu is menge lalag ku ziyà te kandan, mebpemineg heini is menge mesinupaken etawa kenà.

⁸“Piru sikew is etew, pemineǥa nu is egkeǥiyen ku ziyan te kenikew. Ne kenà a kenikew supaka iring kandan. Ginganga ka ne keena nu is ibeǥey ku kenikew.”

⁹Ne neehè ku is belad he eduwal kedì te linulun he velesahan.

¹⁰Mibekar zin heini ziyà te etuvangan ku, ne zuen surat kayi ziyà te pesiziveluyà, he menge lalag para te kedlalew wey kebpenhulùhulù.