1Iwe, Tafit me nöün kewe meilap ra filätä ekoch nöün Asaf, Heman me Jetutun kewe mwän fän iten ewe angangen lon imwenfel, pwe repwe pwärätä än Kot kapas fiti tikin ükülele me kitar, pwal fän pisekin kaktai. Iei tettelin chokewe mi föri ei angang, pwal wiser:
2Seni nöün Asaf kewe mwän: Sakur, Josef, Netania me Asarela. Ir ra nom fän emwenien Asaf, ätewe mi pwärätä än Kot kapas fän än ewe king ootoot.
3Nge nöün Jetutun kewe wonoman mwän: Ketalia, Seri, Jesaia, Simei, Hasapia me Matitia. Ir ra nom fän emwenien Jetutun semer we, ätewe mi pwärätä än Kot kapas fiti tikin ükülele o eäni kölün kilisou me kölün mwareiti ewe Samol mi Lapalap.
4Nöün Heman kewe mwän: Pukia, Matania, Usiel, Sepuel, Jerimot, Hanania, Hanani, Eliata, Kitalti, Romamtieser, Jospekasa, Maloti, Hotir me Mahasiot.
5Ätekei meinisin ir nöün Heman kewe mwän, nge Heman nöün ewe king soufos. Kot a ngeni Heman ekei engol me föman nöün mwän pwal ülüman nöün fefin, usun a fen pwon ngeni, pwe epwe atekiatä i.
6Ätekei meinisin ra nom fän emwenien semer we le köl me lon imwenfelin ewe Samol mi Lapalap. Ra köl fän pisekin kaktai, fän kitar me ükülele, pun iei wiser me lon ewe imwenfel. Nge Asaf, Jetutun me Heman ra nom fän än ewe king ootoot.
7Iwe, iteiter meinisin fiti märärir kewe mi sile o ngiöch le köl ngeni ewe Samol mi Lapalap ükükün rüepükü walik me waluman.
8Iwe, ra üttüt won tettelin ar kewe angang, ekewe alüal ra usun chök ekewe chinlap, ekewe sense ra usun chök ekewe chon kaiö.
9Iei pwüngülan tettelin ar üttüt: Ewe aeuin Josef seni ewe familien Asaf a ütti, i me nöün kewe mwän me märärin kewe, iteiter meinisin engol me ruoman. Ewe aruuan Ketalia a ütti, i me nöün kewe mwän me märärin kewe, iteiter meinisin engol me ruoman.
10Ewe aülüngatin Sakur a ütti, i me nöün kewe mwän me märärin kewe iteiter meinisin engol me ruoman.
11Ewe arüanün Seri a ütti, i me nöün kewe mwän me märärin kewe iteiter meinisin engol me ruoman.
12Ewe alimuan Netania a ütti, i me nöün kewe mwän me märärin kewe iteiter meinisin engol me ruoman.
13Ewe awonuan Pukia a ütti, i me nöün kewe mwän me märärin kewe iteiter meinisin engol me ruoman.
14Ewe afisuan Asarela a ütti, i me nöün kewe mwän me märärin kewe iteiter meinisin engol me ruoman.
15Ewe awaluan Jeshaia a ütti, i me nöün kewe mwän me märärin kewe iteiter meinisin engol me ruoman.
16Ewe atiuan Matania a ütti, i me nöün kewe mwän me märärin kewe iteiter meinisin engol me ruoman.
17Ewe aengolun Simei a ütti, i me nöün kewe mwän me märärin kewe iteiter meinisin engol me ruoman.
18Ewe engol me euin Usiel a ütti, i me nöün kewe mwän me märärin kewe iteiter meinisin engol me ruoman.
19Ewe engol me ruuan Hasapia a ütti, i me nöün kewe mwän me märärin kewe iteiter meinisin engol me ruoman.
20Ewe engol me ülüngatin Supael a ütti, i me nöün kewe mwän me märärin kewe iteiter meinisin engol me ruoman.
21Ewe engol me rüanün Matitia a ütti, i me nöün kewe mwän me märärin kewe iteiter meinisin engol me ruoman.
22Ewe engol me limuan Jeremot a ütti, i me nöün kewe mwän me märärin kewe iteiter meinisin engol me ruoman.
23Ewe engol me wonuan Hanania a ütti, i me nöün kewe mwän me märärin kewe iteiter meinisin engol me ruoman.
24Ewe engol me fisuan Jospekasa a ütti, i me nöün kewe mwän me märärin kewe iteiter meinisin engol me ruoman.
25Ewe engol me waluan Hanani a ütti, i me nöün kewe mwän me märärin kewe iteiter meinisin engol me ruoman.
26Ewe engol me tiuan Maloti a ütti, i me nöün kewe mwän me märärin kewe iteiter meinisin engol me ruoman.
27Ewe arüeen Eliata a ütti, i me nöün kewe mwän me märärin kewe iteiter meinisin engol me ruoman.
28Ewe rüe me euin Hotir a ütti, i me nöün kewe mwän me märärin kewe iteiter meinisin engol me ruoman.
29Ewe rüe me ruuan Kitalti a ütti, i me nöün kewe mwän me märärin kewe iteiter meinisin engol me ruoman.
30Ewe rüe me ülüngatin Mahasiot a ütti, i me nöün kewe mwän me märärin kewe iteiter meinisin engol me ruoman.
31Ewe rüe me rüanün Romamtieser a ütti, i me nöün kewe mwän me märärin kewe iteiter meinisin engol me ruoman.
