Text copied!
CopyCompare
परमप्रभु यावे आ लोव़ - १ इतिहास

१ इतिहास 11

Help us?
Click on verse(s) to share them!
1मिनु मेको नोले इस्राएल ङा मुर नेल्‍ल ग्रुम्‍शा दाऊद आ बाक्‍तीक हेब्रोन सहरम बुक्‍मा बाक्‍त। मिनु मेकोपुकीम “गोपुकी इन मुर नकी। उत्‍पत्ती २९:१४
2ङोंइती सावल पिप बाक्‍मेनु, गे इस्राएल ङा लडाइ पाइब आन ठेयब कप्‍तान बाक्‍तीनी। मिनु परमप्रभु यावे, इन परमप्रभुमी इन कली ‘गे आं मुर, इस्राएली आन गोठला नु आन पिप दुम्‍नेवे’ देंशो बाक्‍त” देंमा बाक्‍त।
3मिनु इस्राएल ङा खाल्‍पा नेल्‍ल पिप आ बाक्‍तीक हेब्रोन सहरम जाक्‍मा बाक्‍त। मिनु दाऊदमी हेब्रोन सहरमी परमप्रभु यावे आ ङोंइती मेकोपुकी नु कबल पवा बाक्‍त। दाऊद कली तेल लुक्‍शा इस्राएल ङा पिप सेल्‍मे बाक्‍त। दोपा परमप्रभु यावेम सामुएल कली दोदेंशो देंमे, मोदेंशो पामे बाक्‍त। १सामुएल १६:१,३,११,१२
4मिनु दाऊद नु इस्राएल ङा लडाइ पाइब नेल्‍ले यरूसलेम लमा बाक्‍त। मेको यबुस सहर बाक्‍माक्‍त। मेकेर यबुसी बाक्‍शो बाक्‍मा बाक्‍त।
5मिनु यबुसम बाक्‍ब मुरपुकीमी दाऊद कली “गे एक गेनायो जाक्‍ने मचाप्‍नेवे” देंमा बाक्‍त। मो हना यो दाऊदम सियोन ङा बोल्‍यो सहर ग्रामाक्‍त। मेको कली मुल सम्‍म दाऊद आ सहर देंनीम।
6दाऊदमी “सु यबुसी आन कली ङोंइती लडाइ तोइबा, मेको नेल्‍ल क्‍येङा ठेयब कप्‍तान दुम्‍ब” देंशो बाक्‍माक्‍त। मिनु मेकेर ङोंइती सेरूयाह आ तौ योआब ङोंइसे बाक्‍त। मोपतीके मेको ठेयब कप्‍तान दुम्‍माक्‍त।
7मिनु दाऊद मेको बोल्‍यो सहरम बाक्‍शो बाक्‍माक्‍त। मोपतीके मुरुमी मेको सहर कली दाऊद आ सहर देंमा बाक्‍त।
8मिनु दाऊदमी मेको सहर आ एर ओंथ ङा गारो तिक्‍तीक रे सहर नेल्‍ल आ एर ओंथ गारो हिरशा सेला बाक्‍त। मिनु योआबम लीशो ब्रेश्‍शो खिं लेंशा सेला बाक्‍त।
9मोपा दाऊद शुश बोल्‍यो दुम्‍ना दुम्‍न लमाक्‍त। मारदे हना मुर नेल्‍ल आन परमप्रभु यावे मेको नु बाक्‍माक्‍त।
10मिनु दाऊद आ राज्‍य बोल्‍यो सेल्‍ब नु आ लडाइ पाइब आन ठेयब कप्‍तान आन पर्बम ब्रेक्‍शो लोव़ एको बाक्‍माक्‍त। मेकोपुकी नु इस्राएली नेल्‍लेमी दाऊद कली आन पिप सेल्‍मे बाक्‍त। परमप्रभु यावेमी इस्राएली आन पर्बम दोदेंशो लोव़ पवा, मोदेंशो पामे बाक्‍त।
11दाऊद आ बोल्‍यो लडाइ पाइब सु सु बाक्‍मा बाक्‍त देंशा हना, हाकमोनी आ तौ याशोबाम कप्‍तान सां आन ठेयब कप्‍तान बाक्‍माक्‍त। मेकोमी आ तूतीकेमी कालेमी सहे सां मुर आन कली सदा बाक्‍त।
12मेको आ नोले अहोही ङा मुर दोदो आ तौ एलाजर बाक्‍माक्‍त। मेको बोल्‍यो मुर सां आन दाते ङा का बाक्‍माक्‍त। १इतिहास २७:४
13मेको दाऊद नु पलिस्‍ती नु लडाइ पचा कली पास-दम्‍मीम बाक्‍शो बाक्‍माक्‍त। मेकेर क्‍योव़ज रू का बाक्‍माक्‍त। मिनु मुर नेल्‍ल पलिस्‍ती आन ङोंइती रे प्रोक्‍मा बाक्‍त।
14तन्‍न एलाजर नु दाऊद ला रू आ दातेमी राप्‍शा बाक्‍सा बाक्‍त। मिनु मेको निक्‍शीमी पलिस्‍ती आन कली ग्राशा क्‍योव़ज रू कली मारेइ दुम्‍चा मगेम्‍से बाक्‍त। मोपा परमप्रभु यावेमी ठेयब पा ग्रापाइश्‍शा प्रोक्‍पदा बाक्‍त।
15मेको ३० जना कप्‍तान आन दाते ङा सां दाऊद आ बाक्‍तीके अ‍दुल्‍‍लाम ङा पुक्‍खी आ नेक्‍था बाक्‍शो सेरथे फुल्‍लुम लमा बाक्‍त। मेना पलिस्‍ती आन लडाइ पाइब रेफाइम ङा बेंसीम ताम्‍बु कीशा बाक्‍शो बाक्‍मा बाक्‍त। १सामुएल २२:१
16दाऊद बोल्‍यो बाक्‍तीकेमी बाक्‍शो बाक्‍माक्‍त। मिनु पलिस्‍ती आन लडाइ पाइब बेथलेहेम सहरम बाक्‍शो बाक्‍मा बाक्‍त।
17मिनु दाऊदमी थाम्‍पा तूतू दाक्‍शा “सुइम आं कली बेथलेहेम ङा ठेयब लाप्‍चो आ ङोंइती बाक्‍शो इनार ङा ब्‍वाक्‍कु तूचा गेयीमी हना, दुम वा” देंमाक्‍त।
18मेना मेको मुर सां पलिस्‍ती आन दाते रे ग्रीशा लशा बेथलेहेम ङा ठेयब लाप्‍चो आ ङोंइती ङा इनार ङा ब्‍वाक्‍कु ताप्‍शा, दाऊद आ बाक्‍तीकेम चाक्‍गमे बाक्‍त। तन्‍न दाऊदम मेको तूने मबिस्‍से बाक्‍त। मिनु ब्‍वाक्‍कु परमप्रभु यावे आ ङोंइती मोदा बाक्‍त।

19मेकोमी “आं परमप्रभुम आं कली ओदेंशो पचा मगेयील। गो एको मुर आन हुश तू्‍नुङा? मारदे हना एको आन गिंम खतम दुम्‍चा ङा पा लशा ब्‍वाक्‍कु चाक्‍तेक्‍म” देंमाक्‍त। मोपतीके मेकोमी मेको ब्‍वाक्‍कु मतूङा बाक्‍त। मेको बोल्‍यो लडाइ पाइब सां आन पशो गेय मेकोन बाक्‍माक्‍त।
20योआब आ लोक्‍ब अबीशै मेको ३० जना आन कप्‍तान बाक्‍माक्‍त। मेकोमी आ तूतीकेमी कालेम सहे सां मुर आन कली लडाइ पा साइक्‍मी बाक्‍त। मिनु मोपा मेको सां आन दातेमी हिक्‍चा पुंइसे बाक्‍त।
21मेको ३० जना आन दातेम ठेयब दुम्‍माक्‍त। मेको सां आन दातेमी मान तवा बाक्‍त। मिनु आन कप्‍तान दुम्‍माक्‍त। तन्‍न मेको ङोंइती ङा सां आन खोदेंशो पा मान मतवा बाक्‍त।
22येहो-यादा आ तौ बेनायाह कब्‍सेल सहर ङा शुश बोल्‍यो लडाइ पाइब का बाक्‍माक्‍त। मेकोमी मोआब ङा अरीएल आ तौ निक्‍शी आस कली सदा बाक्‍त। फुं यिम नाक्‍त ढोडोङगाम बाक्‍ब गुप्‍स का सदा बाक्‍त।
23मेकोमी ५ कुबीत लाइश्‍शो इजीप्‍त ङा मुर का यो सदा बाक्‍त। मेको आ तूतीक वा प्रोव़तीक शी खोमो बाक्‍माक्‍त। मेको बेनायाहमी कोक्‍के का कुरशा, मेको तूतीक इजीप्‍त ङा मुर आ गुइ रे रोइश्‍शा, आंम आ तूतीकेमी सदा बाक्‍त। कुबीत का ०.५ मिटर बाक्‍ब।१सामुएल १७:७
24मेको येहो-यादा आ तौ बेनायाह आ पशो बाक्‍माक्‍त। मिनु मोपा बेनायाह मेको मुर सां आन दातेम हिक्‍से बाक्‍त। १इतिहास २७:५-६
25मिनु ३० जना आन क्‍येङा मेकोमी शुश मान तवा बाक्‍त। तन्‍न मेको सां आन दातेम महिक्‍से बाक्‍त। दाऊदमी मेको कली आ कली खाल पाइब आन ठेयब मुर सेला बाक्‍त।
26मिनु अरु मान तशो लडाइ पाइब सु सु बाक्‍मा बाक्‍त देंशा हना, योआब आ लोक्‍ब आसाहेल, बेथलेहेम ङा दोदो आ तौ एल्‍हानान,
27हारोद सहर ङा शाम्‍मोथ, पेलोन ङा मुर हेलेस, १इतिहास २७:१०
28तेकोहा सहर ङा इक्‍केश आ तौ इरा, अनाथोथ ङा अबीएजेर,
29हुशा ङा मुर सिब्‍बेकै, अहोही आ मुर इलाइ,
30नेतोफाह ङा माहाराइ, नेतोफाह ङा बानाह आ तौ हेलेद,
31बेन्‍यामीन आ थर ङा गिबा ङा रिबाइ आ तौ इथाइ, पिराथोन ङा बेनायाह,
32गाश ङा खोल्‍सा आ नेक्‍था बाक्‍ब हूरै, अरबा आ मुर अबीएल,
33बाहारुम सहर ङा अज्‍मावेथ, शा-आल्‍बोन सहर ङा एली-अहबा,
34गिजोन ङा मुर हाशेम, हरारी शागे आ तौ योनाथन,
35हरारी साकार आ तौ अहीयाम, ऊर आ तौ एलीफाल,
36मेकारा सहर ङा मुर हेफेर, पेलोन ङा मुर अहीयाह,

37कारमेल ङा हेस्रो, एज्‍बाइ आ तौ नाराइ,
38नाथान आ लोक्‍ब योएल, हाग्री आ तौ मिभार,
39अम्‍मोनी जेलेक, बेयरोथ सहर ङा नहाराइ, मेको नहाराइ ङा सेरूयाह आ तौ योआब आ या कुरब बाक्‍माक्‍त।
40इथ्री आ मुर इरा, इथ्री आ मुर गारेब, २सामुएल ११:३
41हित्ती उरीयाह, अहलै आ तौ जाबाद,
42रूबेन आ थर ङा शीजा आ तौ अदीना मेको रूबेन आ थर ङा मुर आन ठेयब मुर का बाक्‍माक्‍त। मेको नु आ मुर नु ३० जना बाक्‍मा बाक्‍त।
43माकाह आ तौ हानान, मिथ्‍नी आ मुर योशाफात,
44अश्‍तारोथ सहर ङा मुर उज्‍जीया, आरोएर आ मुर होथाम आ तौ शामा नु यिएल,
45शिम्री आ तौ येदीएल नु आ लोक्‍ब तिजी आ मुर योहा,
46महाब आ मुर एलीएल, एल्‍नाम आ तौ येरीबाइ नु योशावीयाह नु मोआबी इथ्‍माह,
47एलीएल, ओबेद नु मेजोबी यासीएल बाक्‍मा बाक्‍त।