1मिनु इस्राएली आन खिं खिं ङा ठेयब मुरपुकी, हजार हजार लडाइ पाइब आन कप्तानपुकी, सहे सहे ङा लडाइ पाइब आन कप्तानपुकी नु मेको आन ठेयब मुरपुकी बाक्मा बाक्त। मेकोपुकीमी लडाइ पाइब आन हुल हुल आन कली बर्सम महिना महिनामी पालो पा पिप आ गेय पपाइक्बाक्मा बाक्त। लडाइ पाइब आन हुल का का पालो पा बर्स ङा महिना का गेय पपदमे बाक्त। हुल काम १४ हजार मुर बाक्मा बाक्त। पिप आ नेल्ल क्येङा ठेयब कप्तान सु सु बाक्मा बाक्त देंशा हना,
2बर्स आ ङोंइती ङा महिना ङा ङोंइती ङा हुल आन कप्तान जब्दीएल आ तौ याशोबाम बाक्माक्त। मेको आ हुलम १४ हजार मुर बाक्मा बाक्त।
3मेको पेरेस आ खिं खिं ङा मुर बाक्मा बाक्त। मेको ङोंइती ङा महिना ङा लडाइ पाइब नेल्ल आन कप्तान, क्येङा ठेयब मुर बाक्माक्त।
4मेको आ नोले ङा महिना ङा हुल आन कप्तान अहोही आ मुर दोदाइ बाक्माक्त। मेको हुल नेल्ल आन कप्तान क्येङा ठेयब मुर मीक्लोथ बाक्माक्त। मेको आ हुलम १४ हजार मुर बाक्मा बाक्त।
5मेको आ नोले ङा महिना ङा हुल आन नेल्ल क्येङा ठेयब कप्तान चढ़ेब येहो-यादा आ तौ बेनायाह बाक्माक्त। मेको आ हुलम १४ हजार मुर बाक्मा बाक्त। १इतिहास ११:२२-२५
6मेको बेनायाह शुश सक्ति पाइश्शो ३० जना मुर आन दाते ङा का बाक्माक्त। मिनु मेको ३० जना सक्ति पाइश्शो मुर आन ठेयब मुर बाक्माक्त। मेको आ तौ अम्मीजाबाद बेनायाह आ लडाइ पाइब आ हुल ङा मुर आन कप्तान बाक्माक्त।
7मेको आ नोले ङा महिना ङा हुल आन कप्तान योआब आ लोक्ब आसाहेल बाक्माक्त। मेको आ नोले आ तौ जेबदीयाह कप्तान दुम्माक्त। मेको आ हुलम १४ हजार मुर बाक्मा बाक्त। १इतिहास ११:२६
8मेको आ नोले ङा महिना ङा हुल आन कप्तान इज्रायाह आ मुर शाम्हुथ बाक्माक्त। मेको आ हुलम १४ हजार मुर बाक्मा बाक्त।
9मेको आ नोले ङा महिना ङा हुल आन कप्तान तेकोहा आ मुर इक्केश आ तौ इरा बाक्माक्त। मेको आ हुलम १४ हजार मुर बाक्मा बाक्त। १इतिहास ११:२८
10मेको आ नोले ङा महिना ङा हुल आन कप्तान एफ्राइम आ थर ङा, पेलोन आ खिं ङा मुर हेलेस बाक्माक्त। मेको आ हुलम १४ हजार मुर बाक्मा बाक्त। १इतिहास ११:२७
11मेको आ नोले ङा महिना ङा हुल आन कप्तान जेराह ङा हुशा ङा मुर सिब्बेकै बाक्माक्त। मेको आ हुलम १४ हजार मुर बाक्मा बाक्त। १इतिहास ११:२९; १इतिहास २०:४
12मेको आ नोले ङा महिना ङा हुल आन कप्तान बेन्यामीन आ थर ङा अनाथोथ सहर ङा अबीएजेर बाक्माक्त। मेको आ हुलम १४ हजार मुर बाक्मा बाक्त। १इतिहास ११:२८
13मेको आ नोले ङा महिना ङा हुल आन कप्तान जेरह आ खिं ङा नेतोफाह सहर ङा मुर माहाराइ बाक्माक्त। मेको आ हुलम १४ हजार मुर बाक्मा बाक्त। १इतिहास ११:३०
14मेको आ नोले ङा महिना ङा हुल आन कप्तान एफ्राइम आ थर ङा पिराथोन सहर ङा बेनायाहम बाक्माक्त। मेको आ हुलम १४ हजार मुर बाक्मा बाक्त। १इतिहास ११:३१
15मिनु बर्स आ नेल्ल क्येङा नोले ङा महिना ङा हुल आन कप्तान ओथ्नीएल आ खिं ङा नेतोफाह सहर ङा हेल्दाइ बाक्माक्त। मेको आ हुलम १४ हजार मुर बाक्मा बाक्त।
16इस्राएली आन थर थर ङा ठेयब मुरपुकी सु सु बाक्मा बाक्त देंशा हना, रूबेन आ थर ङा जिक्री आ तौ एलीएजर ठेयब मुर बाक्माक्त। सिमियोन आ थर ङा माकाह आ तौ शेफत्याह बाक्माक्त।
17लेवी आ थर ङा केमुएल आ तौ हशाब्याह बाक्माक्त। हारून आ खिं ङा सादोक बाक्माक्त।
18यहूदा आ थर ङा दाऊद आ लोक्ब एलीहु बाक्माक्त। इस्साकार आ थर ङा मिकाएल आ तौ ओम्री बाक्माक्त।
19जबूलून आ थर ङा ओबदिया आ तौ इश्मायाह बाक्माक्त। नाप्ताली आ थर ङा अज्रीएल आ तौ येरेमोथ बाक्माक्त।
20एफ्राइम आ थर ङा अजजीयाह आ तौ होशेआ बाक्माक्त। मनस्से आ उइक्थ थर ङा पेदायाह आ तौ योएल बाक्माक्त।
21मिनु गिलादम बाक्शो मनस्से आ उइक्थ थर ङा जकरिया आ तौ इददो बाक्माक्त। बेन्यामीन आ थर ङा आब्नेर आ तौ यासीएल बाक्माक्त।
22दान आ थर ङा येरोहाम आ तौ अजारेल बाक्माक्त। मेको नेल्ल इस्राएली आन थर थर ङा ठेयब मुर बाक्मा बाक्त।
23मिनु दाऊदमी २० बर्स मगाप्शो आन कली महिक्मी बाक्त। मारदे हना परमप्रभु यावेमी “इस्राएली आन कली सरीङ ङा सोरुल खोदेंशो पा शुश सेल्नुङमी” दे कबल पशो बाक्माक्त। उत्पत्ती २२:१७
24सेरूयाह आ तौ योआबमी मुर आन कली हिक्चा गोवा बाक्त। आ गेय मथुम्थु, परमप्रभु यावेमी इस्राएली आन पर्बम गाइक्ता बाक्त। मोपतीके मेना पिप दाऊद आ सासन पची ना मार मार दुम्शो बाक्मा ब्रेक्तीकेम गिश मुर हिक्शो बाक्मा मेको मब्रेक्शो बाक्माक्त। १इतिहास २१:७,१४
25मिनु अदीएल आ तौ अज्मावेथ पिप आ मार मार वोइक्तीके कोव़ब आन ठेयब मुर बाक्माक्त। उज्जीयाह आ तौ योनाथन चहिं रूमी, सहरपुकीमी, गाउंपुकीमी नु वोइक्तीके लाइश्शो खिंमी बाक्शो पिप आ मार मार कोव़ब आन ठेयब मुर बाक्माक्त।
26केलुब आ तौ एज्री रूम गेय पा दोइब आन कली कोव़ब आन ठेयब मुर बाक्माक्त।
27रामाह सहर ङा शिमेइ अङगुर रूपुकी कोव़ब आन ठेयब मुर बाक्माक्त। शिफ्मी आ मुर जब्दी चहिं अङगुर शांबु वोइक्तीके कोव़ब आन ठेयब मुर बाक्माक्त।
28गेदेराह सहर ङा बाल-हनान शेफेलाह ङा दिंममी बाक्शो तेल रवा नु फल सिप्ब फोव़शी रवापुकी कोव़ब आन ठेयब मुर बाक्माक्त। योआश चहिं तेल वोइक्तीक कली कोव़ब आन ठेयब मुर बाक्माक्त।
29शारोन दिंम ङा शित्राइ मेकेर ङा दिंममी जोइब बी ब्यफ आन कली कोव़ब आन ठेयब मुर बाक्माक्त। अदलाइ आ तौ शाफात चहिं अरु दिंमम जोइब बस्तु भाव आन कली कोव़ब आन ठेयब मुर बाक्माक्त।
30इश्माएली ओेबील दलओंठ आन कली कोव़ब आन ठेयब मुर बाक्माक्त। मेरोनोथ ङा येहदयाह गधा आन कली कोव़ब आन ठेयब मुर बाक्माक्त। मिनु हाग्री आ मुर याजीज क्यारश भेडा आन कली कोव़ब आन ठेयब मुर बाक्माक्त।
31मेको नेल्ले पिप दाऊद आ शोंप कोव़ब आन ठेयब मुर बाक्मा बाक्त।
32दाऊद आ बकान्छा योनाथन दाऊद कली अर्ती गेब बाक्माक्त। मेको शुश जोक्ब तुइक्ब नु ब्रेक्स तुइक्ब मुर बाक्माक्त। हाकमोनी आ तौ येहीएल पिप आ तौ आन कली कोव़ब बाक्माक्त।
33मिनु अहीथोफेल यो पिप कली अर्ती गेब बाक्माक्त। अरकी आ मुर हुशाइ पिप आ वारच बाक्माक्त।
34अहीथोफेल आ नोले बेनायाह आ तौ येहो-यादा नु अबीयाथार पिप कली अर्ती गेब बाक्सा बाक्त। मिनु योआब पिप आ लडाइ पाइब आन ठेयब मुर बाक्माक्त। २सामुएल ८:१६
