Iob 4

1

2

3

4

38

40

42

¹Tane Elipas Teman apanawa Iob sipoasane wanase:

²“Naita ne gagaloepo, e nuaa kadilepio? Tane mai daina wampaa rua.

³Ulaipa, e apana uaraia waeuwamoana, e mo witapu oarantoia dewamoano badonton.

⁴E aiaa mampe apana omeia saumoano eneiena; apana imimpu oaoarau e dewamoano badonton.

⁵Tane tauma poka saiwa manawo wiseno e insaisaa omen; poka saiwa ibua wadeno saidaiten.

⁶Ambi, e God wiwirawaitiana ita do wanwanaa dodomanawa wainiana dewaepono insaisaa badolepona.

⁷E inseiana apana kadiwa mai dewasaipona do sanaa waimoia di bontoi, ba? Apana wanwan dodomana waimoia God kadimode, ba?

⁸Ne apana sa ewamodina, mo ipa sa kadiwa aimoie ita kadiwa uwauwantoi. Sa baiwa mo poka saiwa anei lawuru naumba aneia rua. Ita mo muba ipa sa kadi dewawa ita poka saiwa aneiena deawaida uwauwantoi.”