LUCAS 19:32-39

³²Huan nopa ome imomachtijcahua yajque huan nelía quipantijque nopa pilburrojtzi quen Jesús quinilhuijtoya.

³³Huan quema quitojtomayayaj, iteco quintlatzintoquili: ―¿Para tlen anquitojtomaj nopa pilburrojtzi?

³⁴Huan quiilhuijque: ―Toteco quinequi quitequihuis.

³⁵Huan quihuicaque campa Jesús, huan ipani quitlalilijque inintlaque huan Jesús ipan tlejcoc.

³⁶Huan miyaqui masehualme quisohuayayaj inintlaque ipan ojtli campa Jesús nejnemiyaya.

³⁷Huan quema monechcahuijque campa itlaixtemolis nopa tepetl Olivos, nochi nopa miyaqui masehualme catli quitoquiliyayaj pejque quipaquilismacaj Toteco pampa nochi nopa tiochicahual nextili catli quiitztoyaj Jesús quichihua. Huan ica paquilistli,

³⁸inijuanti tlahuejchihuayayaj huan quiijtohuayayaj: “¡Toteco Dios ma quitiochihua ni tlanahuatijquetl catli huala ipan itoca 19:38 Ica itequiticayo.! Oncas tlasehuilistli ipan ilhuicactli. ¡Ma tijhueyichihuaca Toteco Dios hasta tlacaquistis ipan ilhuicac campa más huejcapa!”

³⁹Huan sequin nopa fariseos catli nejnemiyayaj ica nopa miyaqui masehualme quiilhuijque Jesús: ―Tlamachtijquetl, xiquinajhua momomachtijcahua pampa quiijtohuaj tlamantli catli amo quinamiqui quej nopa.